Mikrofonyn qaitaruǧa tyrysqan operatorǧa – aiyppūl. Seh jabyldy

404
Adyrna.kz Telegram
https://www.adyrna.kz/storage/uploads/LwyISqblj5d1G3DnX2zIq5yqDbWWXdCI3nT0VzYQ.webp

Foto: 7 ARNA

Astanada tūrǧyndardyŋ şaǧymy men jurnalistık zertteuden keiın samsa öndıretın sehqa sanitariialyq-epidemiologiialyq baqylau jürgızıldı, dep habarlaidy “Adyrna”. 

Tekseru barysynda bırqatar sanitariialyq talaptyŋ saqtalmaǧany anyqtaldy. Būl turaly qalalyq sanitariialyq-epidemiologiialyq baqylau departamentı aitty.

Tekseruşıler käsıporynnyŋ qyzmetın bastaǧany turaly mındettı habarlama joldamai jūmys ıstegenın de anyqtaǧan. Sonymen qatar qyzmetkerlerdıŋ mındettı medisinalyq tekseruden ötpegenı belgılı boldy.

19 qaraşada jürgızılgen tekseru qorytyndysy boiynşa sehtyŋ jūmysyna tyiym salynyp, qyzmetkerler uaqytşa jūmystan şettetıldı. Käsıpkerge Äkımşılık qūqyq būzuşylyq turaly kodekstıŋ 425-babynyŋ 1-bölıgı boiynşa aiyppūl salyndy. Sondai-aq anyqtalǧan zaŋbūzuşylyqtardy joiu turaly nūsqama berıldı. Aiyppūl mölşerı 600 myŋ teŋgeden asuy mümkın.

Sehtaǧy antisanitariialyq jaǧdai tüsırılgen video käsıpkerdıŋ özı äleumettık jelıde jariialaǧannan keiın keŋınen taraǧan. Käsıpkerdıŋ aituynşa, mūnda daiyndalǧan samsa kün saiyn elordanyŋ şamamen 300 dükenıne jetkızılıp otyrǧan.

Oqiǧaǧa deiın «Jetınşı arna» tüsırılım toby käsıporynǧa barǧan kezde käsıpker jurnalistermen janjaldasyp, jurnalist qolyndaǧy mikrofonyn tartyp alyp, kamerany syndyruǧa oqtalǧan. Keiın janjalǧa qatysuşylar polisiia bölımıne jetkızılgen.

Osy oqiǧa boiynşa käsıpkerge de 86,5 myŋ teŋgeden aiyppūl salynǧan.

Osy kölemde mikrofondy qaitaryp aluǧa tyrysqan teleoperator da aiyppūl arqalady. Olardyŋ äreketı özge adamnyŋ tynyştyǧyn būzu retınde baǧalanǧan.

Pıkırler