Samarqanda II Düniejüzılık türkologiia qūryltaiy ötıp jatyr

426
Adyrna.kz Telegram
https://www.adyrna.kz/storage/uploads/Jj19DyeP1CVLcLcUcnBS1ySVwpEV4sw05zaqext7.jpg

20 qaraşada Özbekstannyŋ Samarqan qalasynda II Düniejüzılık türkologiia qūryltaiy bastaldy, dep habarlaidy "Adyrna".

1926 jyly Bakude ötken alǧaşqy türkologiia qūryltaiynyŋ 100 jyldyǧyna arnalǧan halyqaralyq jiyn Özbekstan prezidentınıŋ bastamasymen Türkı memleketterı ūiymy men Özbekstannyŋ bılım jäne ǧylym ministrlıgı bırlesıp ūiymdastyrdy.

Is-şaraǧa halyqaralyq ūiymdardyŋ basşylary, joǧary oqu oryndary men ǧylymi-zertteu mekemelerınıŋ jetekşılerı, belgılı türkologtar men ǧalymdar qatysty.

Qūryltai jūmysyna qatysqan QR parlamentı senatynyŋ eks-deputaty Darhan Qydyrälı «Qūtlyq qaǧany keşenı» taqyrybynda baiandama jasady. Būl turaly ol Facebook-tegı paraqşasynda jazdy.

Ǧalymnyŋ aituynşa, 1926 jylǧy Baku qūryltaiynda Kültegın, Bılge qaǧan jäne Tonykök jazbalary keŋınen talqylanyp, köne türkı jazba eskertkışterın zertteu, qorǧau jäne ǧylymi ainalymǧa engızu mäselelerı köterılgen.

Darhan Qydyrälı Baku qūryltaiynan keiın bır ǧasyrǧa juyq uaqyt ötkende Elterıs Qūtlyq qaǧan keşenınıŋ türkı halyqtary ökılderınıŋ qatysuymen jürgızılgen dalalyq zertteuler nätijesınde tabyluyn tarihi sabaqtastyqtyŋ körınısı retınde baǧalady.

Onyŋ sözınşe, Qūtlyq qaǧan keşenınen tabylǧan jazba eskertkışte tūtas türkı älemıne atau bolǧan «türük» sözı alǧaş ret tasqa qaşalǧan. Būl jaŋalyq Orhon jazba eskertkışterınıŋ tarihyn VIII ǧasyrdan VII ǧasyrǧa deiın tereŋdete tüsedı.

Sondai-aq Darhan Qydyrälı 2027 jyly Bırınşı Türık qaǧanatynyŋ qūrylǧanyna 1475 jyl tolatynyn atap öttı. Ol būl datanyŋ türkı halyqtarynyŋ ortaq tarihyn zerdeleu jäne memlekettılık bastaularyn tereŋırek tanu tūrǧysynan maŋyzdy ekenın jetkızdı.

Eks-senator öz jazbasynda Samarqandaǧy halyqaralyq jiyndy ūiymdastyruşylarǧa alǧys bıldırıp, özbek halqyna qonaqjailyǧy üşın rizaşylyǧyn jetkızdı.

Pıkırler