Grýzııanyń burynǵy prezıdenti Mıhaıl Saakashvılıdiń densaýlyǵy nasharlap barady, dep habarlaıdy «Adyrna» tilshisi.
Jaqynda bir top dáriger naýqastyń hal-jaǵdaıy jóninde tolyq esep beretin bolady.
Nevropatolog Otar Toıdzenyń aıtýynsha, onyń jaǵdaıy aýyr.
«Saakashvılı búgingideı sóıleýden, júrýden qınalmaǵan edi. Qazir jaǵdaıy aýyr. Sondyqtan obektıvti baǵa berip, qorytyndy jazý úshin baryp qalatyn shyǵarmyz. Ol ólim aýzynda jatyr»,– dedi maman.
Aıta keteıik, ótken jyly eks basshy aýrýhanadan túrmege aýystyrylǵan edi. Saıasatker birneshe jyl buryn bankır Sandro Gırgvlıanıdi óltirý isinde oǵan syrttaı shyǵarylǵan úkim boıynsha túrmege qamaldy. Túrmede Saakashvılı ashtyq jarııalap, nátıjesinde Gorı áskerı aýrýhanasyna túsken.
