Syr eli qurylys salasy qarqyndy damyǵan óńir. Sońǵy jyldary Qyzylorda qalasynyń ózinde 12 shaǵyn aýdan boı kóterip, 270 kópqabatty turǵyn úı salynǵan. 7000-ǵa jýyq azamat jańa páterge ıe bolyp, qonys toıyn toılaǵan. Al, búgin qurylysshylar kúnin qarsańynda qyzylordalyqtar úshin taǵy 3 nysannyń irgetasy qalandy. Sondaı-aq, Qarmaqshy aýdanyndaǵy Tóretam kenti jáne Aqaı aýylynda, Aral aýdanyndaǵy Sekseýil kentinde aýyl ishilik gaz qubyryn tartý jáne Shıeli aýdanyna qarasty Tartoǵaı eldimekeninde avtomattandyrylǵan gaz taratý stansasynyń qurylysy bastaldy.
Endi Syr óńirinde otbasylyq ómirge qadam jasaǵan jastar zamanaýı úlgidegi neke saraıynda otbasy atanady.
Oblys ákimi Nurlybek Nálibaev jas jubaılardyń kıeli shańyraǵyna aınalatyn «Neke saraıynyń» Halyqaralyq jastar kúni aıasynda boı kóterýiniń sımvolıkalyq máni bar dedi.
- Bir qýantarlyǵy, aımaǵymyzda demografııalyq ósim jyldan-jylǵa jaqsaryp, shańyraq kótergen jastardyń qatary artyp keledi. Bıylǵy jyldyń 6 aıynda 2276 jup nekege turyp, otbasylyq ómirge qadam basty.
Prezıdentimiz Qasym-Jomart Kemeluly Toqaev: "Baqytty ári berik shańyraq - elimizdiń ıgiligi men órkendeýiniń kepili. Myqty otbasy - myqty memleket" dep otbasy qundylyǵynyń mańyzdy ekenin jetkizdi.
Keleshekte neke saraıynda otbasy qundylyqtaryn dáripteıtin áleýmettik-mádenı is-sharalar da turaqty túrde ótkiziletin bolady, - dedi Nurlybek Nálibaev.
Sondaı-aq, búgin ónerli ólkede 1000 kelýshige arnalǵan jańa óner saraıynyń alǵashqy kirpishi qalandy. Quny 3,7 mlrd.teńgeni quraıtyn eki qabatty óner saraıynyń qurylysy bir jarym jylda salynyp bitedi. Ǵımaratta sımfonııalyq, estradalyq jáne ulttyq óner baǵytyndaǵy konerttik baǵdarlamalar men túrli formattaǵy qoǵamdyq is-sharalar ótkiziledi.
Syrdyń sol jaǵalaýynda taǵy bir áleýmettik nysannyń irgetasy qalandy. Quny 2,7 mlrd. teńgeni quraıtyn «Qan ortalyǵy» jylyna qan men onyń komponentterin donaııalaý kórsetkishin 500-den 10 myńǵa deıingi jetkizedi. Ortalyq óńir halqyna sapaly qyzmet kórsetip, turǵyndardyń densaýlyǵyn arttyrýǵa múmkindik bermek.
Sondaı-aq, sol jaǵalaýda qasbetteri zamanaýı talaptarǵa saı keletin 7-9 qabatty turǵyn úı, fızıka-matematıkalyq mektep ǵımaraty boı kótermek. Al, balalar jylyna tartý retinde Oqýshylar saraıy salynady.
Aımaq basshysy Nurlybek Nálibaev az ýaqyttyń ishinde óńirge qomaqty ınvestıııa tartylyp, demeýshiler esebinen jańa jobalardy bastaýǵa múmkindik bolǵanyn jetkizdi.
- Biz árdaıym jerlesterimizdiń talap-tilekterin, usynystaryn eskerýge daıynbyz. Oblys ákimi qyzmetine taǵaıyndalǵannan bastap, halyqpen kezdesken ár sátte aımaqta zamanaýı sáýlettik úlgidegi jańa nysandardy salýǵa ýáde ettik.
Týǵan jerdiń damýyna shynaıy janashyrlyqpen qaraıtyn meenat azamattardy ortaq iske biriktirip, quny 45 mlrd. teńgeni quraıtyn, 391 nysanǵa joba ázirledik. Kelesi jyldan bastap bul jobalar iske asa bastaıdy. Az ýaqyttyń ishinde, óńirge 20 mlrd.teńge ınvestıııa tartyldy.
Osy ıgilikti isterdiń nátıjesinde búgin birneshe nysannyń irgetasyn qalaý rásimine jerlesterimiz kýá boldy, - dedi Nurlybek Nálibaev.
Aımaqta Bolat Ótemuratov qorymen birge 11 mlrd. teńgeni quraıtyn zamanaýı jolaýshylar termınalynyń qurylysyn bastalyp, 2024 jyly el ıgiligine berilmek. Sondaı-aq, qýattylyǵy 240 megavatqa jetetin jańa jylý elektr stanııasyn salynbaq.
Búgin óńirdegi shaǵyn aýdandardyń biri - “Báıterekte” jańa sý jınaǵysh qurylǵy qurylysyn bastaý rásimi de ótti.
Quny 1 mlrd.teńgeden astam joba «Báıterek» turǵyn aýdanynda ornalasqan jeke turǵyn úılerdi turaqty qysymda sapaly aýyz sýmen qamtýǵa múmkindik beredi. Joba aıasynda 7 dana uńǵyma burǵylanyp, 3 dana rezervýar salynatyn bolady.
Aıta keteıik, Qyzylordada qurylysshylar kúni merekesi gala-konertpen qorytyndylandy. Óz salasynyń naǵyz sheberlerine arnaıy tósbelgiler men marapattar tabystaldy.
