“Ne masqara”: Jýrnalıstke aýrýhananyń minin aıtyp suhbat bergen taksı júrgizýshisine keshirim suratqan

2756
Adyrna.kz Telegram
Foto: vıdeodan alyndy
Foto: vıdeodan alyndy

Eki kún buryn “Almaty” telearnasynyń tilshisi Álibek Shyntemir Almaty oblysy  Raıymbek aýdandyq ortalyq aýrýhanasynyń ahýaly syn kótermeıtinin aıtyp, jelige jarııalaǵan edi. Tilshi daıyndaǵan sıýjette  1989 jyly salynǵan medıınalyq mekeme áli kúnge kúrdeli jóndeý jumysy jasalmaǵanyn kórsetip, turǵyndardan suhbat alǵan, dep habarlaıdy “Adyrna” ulttyq portaly. 

Suhbattyń birin taksı júrgizýshisi Álibek Dáldenbaev bergen edi.

«Áıteýir dıagnozdy uıaly telefonǵa qarap, qoıady. Ózderi aýrýdy taba almaıdy ǵoı. Oqymaǵan túk bilmeıdi. Oqyǵan bilimi jetetinder kelse ǵoı», – dedi Narynqol aýylynyń turǵyny Álibek Dáldenbaev.

Alaıda suhbat bergen Álibekten keshirim suratyp, vıdeony tilshige qaıta joldaǵan. Aıtýynsha, vıdeony joldaýshy siz jarııalaǵan aqparat qate degen kórinedi.

“Ne masqara?! Suhbat bergen qarapaıym taksıstti qýdalap, taýyp alyp keshirim suratyp, vıdeo jazyp alyp, ony uıalmaı maǵan jiberip tur.

Dárigerdiń minin aıtqan adammen kúreskenshe, dáriger maman tapshylyǵyn joısańdar etti.

Qarapaıym taksıstti tómpeshtegenshe esi 5 emhanalaryńdy jańartyp, 1989 jyldan beri jóndeý kórmegen aýrýhanalaryńdy aıtyp, bılikke jetkizip jasyrmaı jóndetip alsańdar etti…

Siz shýlatqan jaǵdaı ótirik bolyp shyqty ne deısiz dep.

Qańtar oqıǵasyna qatysy barlardy munsha qýdalap, qorlamaǵan shyǵar. Qıt etse etekten tartyp, anany aıtyp qoıdyń, mynany jazdyń, jamanymyzdy jasyrmadyń dep júgendeıtin adamdar, sondaı bılik ókilderi bar kezde qaıtip túzelemiz.

Minin aıtpasa medıına qaıtip túzelsin?! Men kúnine júz adamnan suhbat alamyn, bárin taýyp alyńdar onda…Arsyzdar…”, dep jýrnalıst Instagram paraqshasyna jarııalaǵan.

“Adyrna” ulttyq portaly

Pikirler