Áleýmettanýshy Serik Beısembaev «Suraýy bar» Youtube arnasyna bergen suhbatynda áleýmettik zertteý qorytyndysymen bólisti.
– Imamdardyń Youtube-taǵy ýaǵyzdaryn tyńdasańyz, shoshısyz aıtyp jatqan nárselerinen. Ol jerde memlekettiń zaıyrlylyq ustanymyna qarsy nárseler óte kóp. Ashyq túrde memleketke eshkim syn aıtpaıdy. Biraq zaıyrlylyqtyń bir belgisi – adam quqyqtary, áıel adamdardyń quqyqtarynyń saqtalýy. Al bizde kóp ımamdardy tyńdasańyz, «kóp áıel alǵan durys», «qyz balalarǵa bilim alý kerek emes», «jalpy bizdiń qoǵamdy jaqsartatyn ıslam dini ǵana» degen sııaqty kertartpa oılar óte kóp, – deıdi áleýmettanýshy.
– Olar óziniń jamaǵatyna sáıkes ýaǵyz aıtady. Eger onyń jamaǵaty konservatıvti, patrıarhaldy bolsa, sonyń yǵyna jyǵylyp, olardyń estigisi keletin ýaǵyzyn aıtatyn bolady. Memleket qalap otyrǵan progress, bilim alý degen sııaqty dúnıelerdi emes, kertartpa uǵymdardyń taralýyna yqpal etip jatyr, – deıdi sarapshy.
– Din degen adamnyń ishki emoııasy, jan dúnıesimen baılanysty. Memleket osylaı shekteý qoıǵan kezde oǵan qarsylyq paıda bolady. Memlekettiń qaı ımamnyń ýaǵyzyn tyńdap, kimniń ýaǵyzyn tyńdaýǵa bolmaıtynyn rettep tastaýy adamdardyń narazylyǵyn órshitti. Sosyn din saıasaty dinniń atrıbýttarymen kúreske aınalyp ketti. Saqaly bardy, hıdjap kıgendi sálafıtter dedi, basqa dedi, – dedi áleýmettanýshy.
“Adyrna” ulttyq portaly
