Elımızde Ūlttyq sport universitetınıŋ qūrylysyn 127 milliard teŋgege qūjat boiynşa, qūrylys-montaj jūmystaryna «Saranda Building» JŞS-ne tapsyrys bermekşı. Būl kompaniia Qazaqstanǧa būrynnan taŋsyq emes sekıldı. «Adyrna» ūlttyq portaly kompaniia turaly, atqarylǧan jūmystary men astaryna üŋılıp, zertteu jürgızıp kördı.
Biyl da Pakkolidıŋ qatysuymen ırı sauda dükenınıŋ satylymy oryn aldy. Tolyǧyraq aitatyn bolsaq, «Sine Tempore» sauda üiın Pakolli otbasynan Nūr-Sūltan äkımdıgıne qarasty mekeme «Astana Ekonomika basqarmasy» JŞS 9,5 mlrd teŋgege satyp alǧan.
Saranda building kompaniiasynyŋ qazırgı basşysy - Düisenov Quanyş Täukenūly.
Qyzyǧy, Düisenov Quanyş 2008 jyly Astana (qazırgı Nūr-Sūltan qalasy) dıni ekstremizm men terrorizmge qarsy departamenttıŋ basşysy qyzmetın atqarǧan.
«Nūr-Sūltan qalasyndaǧy Olimpiadalyq daiarlau ortalyǧy» köpsalaly sport keşenı «Qazaqstan Respublikasynyŋ Ūlttyq sport universitetı» nysanynyŋ qūrylysy boiynşa jūmystar men körsetıletın qyzmetter kımnen satyp alynatyny anyqtalsyn,», - delıngen Ükımet qaulysynyŋ jobasynda.Qūjat boiynşa olar qūrylys-montaj jūmystaryna «Saranda Building» JŞS-ne tapsyrys bermekşı ekenı anyqtaldy.
«Jobany ıske asyru 2022-2024 jyldarǧa arnalǧan. Respublikalyq biudjetten 127 311 535 758 teŋge şyǧyn şyqpaq», - delıngen qauly jobasynyŋ tüsındırme jazbasynda.Mabetex Project Engineering (Mabetex group) – būl önerkäsıptık josparlaudyŋ köptegen salalarynda mamandandyrylǧan, 1991 jyly qūrylǧan jahandyq injenerlık-qūrylys kompaniiasy. Behgjet Pacolli önerkäsıptık qūrylysty josparlau jäne satu salasynda täjıribesı bar basşy. Bügıngı taŋda Mabetex - älem boiynşa 18 enşıles kompaniiaǧa deiın ösken ǧalamdyq kompaniia. Kompaniianyŋ ştab toby Şveisariianyŋ Lugano qalasynda ornalasqan. Osydan 24 jyl būryn «Mabeteks ısı» degen atyşuly sybailas jemqorlyq dauy bolǧan edı. Alaiaqtyq ısıne şveisariialyq qūrylys kompaniiasy Mabetex Engineering, onyŋ enşıles käsıporny Mercata Trading & Engineering SA jäne Resei Federasiiasynyŋ bırınşı prezidentı Boris Elsinnıŋ jaqyn adamdary qatysty. Is materialdarynan būl kompaniialar Mäskeu Kremlınde restavrasiia jūmystaryn jürgızu barysynda memlekettık qyzmetkerlerge para beru üşın tiımdı kelısım-şart jasalynǧany belgılı boldy. Tergeu jūmystarymen Resei, Şveisariia jäne İtaliianyŋ prokurorlary men tergeuşılerı ainalysty. Barlyǧy 1998 jyldyŋ köktemınde şveisariialyq Banco del Gottardo bankınıŋ keŋesşısı Filipp Turov Kremldı qalpyna keltıru jūmystaryn qabyldau komissiiasyn basqarǧan Resei prezidentınıŋ ısterı jönındegı basqaruşy direktory Pavel Borodinge qarsy kuälık etken kezde bastaldy. Atap aitqanda, Şveisariianyŋ bas prokurory Karla del Pontemen sūhbatynda ol Resei Federasiiasy Prezidentı Äkımşılıgınıŋ reseilık şeneunıkterınıŋ Mabetex-pen kelısım jasau kezındegı terıs äreketterı turaly habarlady. Osydan keiın Karla del Ponte Mäskeuge baryp, Reseidıŋ sol kezdegı bas prokurory Iýrii Skuratovpen kezdesıp, oǧan Turoverdıŋ dälel-aiǧaqtary turaly mälımdeme jasaǧan bolatyn. 1998 jyldyŋ qazan aiynda Turover Mäskeude Skuratovpen kezdeskennen keiın, özınıŋ keŋesşısıne bilıgın asyra paidalandy degen küdıkpen qylmystyq ıs aşudy tapsyrdy. Istı tergeu barysynda Kreml ǧimarattaryn qalpyna keltıru jūmystarynyŋ smetasy 30-60 paiyzǧa asyra körsetılgenı belgılı boldy. Borodin men onyŋ orynbasarlary bırınşı tekserıletın küdıktıler qatarynan boldy. Mabetekstıŋ keŋsesınde de, keiınırek Resei Prezidentınıŋ Äkımşılıgınde de tıntuler jürgızıldı. Mabetex basşysy Behjet Pakolliden Karla del Ponte jeke jauap aldy. 2011 jyldary Pakolli prezidenttıkke ümıtker retınde qatysqan bolatyn. Kosovonyŋ Konstitusiialyq soty Bekjet Pakollidı el prezidentı etıp sailau prosedurasyn zaŋsyz dep tanydy. Onyŋ «Mabeteks» kompaniiasy Astanada köptegen nysandar salǧan. Odan qalsa, Kremldı qalpyna keltıruge qatysty janjaldyŋ basty sebepkerı de boldy. Mabetex Özbekstan men Qazaqstanda da belsendılık tanytyp, Astanadaǧy prezident saraiynyŋ qūrylysyn da özderı jasady. Mabetex saitynda Astana halyqaralyq äuejaiy, konsert zaly, «Arman» keşenı, Radisson SAS qonaq üiı, Astanadaǧy prezident saraiynyŋ zäulım ǧimaraty, sondai-aq köptegen ükımettık ǧimarattary tūrǧyzylǧany turaly aqparat berılgen.
2020 jyly eks-prezident Nūrsūltan Nazarbaev Mabetex Group kompaniiasynyŋ negızın qalauşy Pakkolidı memlekettık syiaqymen marapattaǧan bolatyn.
Biyl da Pakkolidıŋ qatysuymen ırı sauda dükenınıŋ satylymy oryn aldy. Tolyǧyraq aitatyn bolsaq, «Sine Tempore» sauda üiın Pakolli otbasynan Nūr-Sūltan äkımdıgıne qarasty mekeme «Astana Ekonomika basqarmasy» JŞS 9,5 mlrd teŋgege satyp alǧan.
«Ol kezde äkımdık apparaty basşysynyŋ orynbasary Jüsıp Jūmaǧūlov qol qoiǧan memorandumǧa säikes, barlyq 9,529 mlrd teŋge «Sine Tempore» sauda üiın satyp aluǧa arnalǧan. Ädemı, anyq europalyq atau sızdı aldamasyn. Sine Tempore - Selinograd qalasyndaǧy eskı keŋestık ortalyq ämbebap düken», - dedı äleumettık jelıdegı paraqşasynda belgılı qazaqstandyq jurnalist Mihail Kozachkov.
«Mabetex qūrylys kompaniiasynyŋ iesı Pakolli elordada bıraz dünie saldy, mysaly, äuejaidyŋ jaŋa terminaly 92 milliard teŋgege, EKSPO pavilondary 93 milliard teŋgege, Barys mūz saraiy 48 milliard teŋgege, opera jäne balet teatry da osyndai somaǧa...
Sondai-aq «Qazaqstan» konsert zaly, Respublikalyq diagnostikalyq ortalyq jäne Ana men bala ortalyǧy. Forbes jurnalynyŋ mälımetınşe, Pakolli Qazaqstanda barlyǧy 1,7 milliard dollardan astam qarjyny igergen»,- dep jazdy jurnalist.Qoryta kele, Şveisariialyq Mabetex kompaniiasynyŋ qazaqqa sıŋırgen «eŋbegı» köp ekenı mälım. Nūr-Sūltan qalasynyŋ barlyq derlık ırı ǧimaratyn qūrǧan. Endıgı salynǧaly jatqan Ūlttyq sport universitetınıŋ qūrylys jūmysy da şveisariialyq atauy basqa, atasy bır Saranda building kompaniiasy jüzege asyrmaq. Būl kompaniianyŋ da Pakkolimen tıkelei qatysy bar.
Saranda building kompaniiasynyŋ qazırgı basşysy - Düisenov Quanyş Täukenūly.
Qyzyǧy, Düisenov Quanyş 2008 jyly Astana (qazırgı Nūr-Sūltan qalasy) dıni ekstremizm men terrorizmge qarsy departamenttıŋ basşysy qyzmetın atqarǧan.
«Adyrna» ūlttyq portaly
