Ükımet basşysy habarlaǧandai, Türkıstanǧa bır aidan keiın prezident barady, oǧan deiın barlyq memlekettık qyzmetker qalaǧa köşuı tiıs
Qazaqstan premer-ministrı Baqytjan Saǧyntaev Türkıstan oblysyna jūmys saparymen bardy. Jinalysta ol memlekettık qyzmetkerlerge bır aidyŋ ışınde jaŋa oblys ortalyǧyna qonys audarudy būiyrdy.
Premer-ministr jūmys sapary kezınde Türkıstanda aldaǧy uaqytta boi köteretın jaŋa äkımşılık ıskerlık ortalyqtyŋ syzbasyn körıp, jūmystardyŋ josparymen tanysty.
Baqytjan Saǧyntaevtyŋ aituynşa, būǧan deiın bölıngen qarjy tolyq igerılgen. Türkıstandy tületuge taǧy da qazynadan qarajat bölınbek.
Ministrlık ökılderınıŋ baiandamalaryn tyŋdaǧan premer-ministr oblystyq densaulyq saqtau basqarmasynyŋ älı künge ortalyqqa qonys audarmaǧanyn estıgende auşyna mındı.
"Ministr aqşa joq dep qarap otyrsa, eşqaşan köşpeidı. Elbasy bır aidan keiın keledı, osy jerde otyratyn bolsyn. Özıŋız bastap alyp kelesız", — dep tapsyrdy Baqytjan Saǧyntaev.
Otyrysta Baqytjan Saǧyntaev qalanyŋ bas josparyn bekıtıp, qūrylysqa kırısudı tapsyrdy.
dep habarlaidy Sputnik.
