Balalarǧa alǧaşqy qoŋyrau jaqyndaǧan saiyn, ata-analar mektep formasyn qalai alamyz dep alaŋdauda. Baǧa şaryqtaǧany sonşalyq, köp balaly otbasylar 3-4 balaǧa bırden qalai tolyq jabdyq alaryn bılmei otyr. Oŋǧar Qabden öz facebook paraqşasynda osy taqyrypta özektı pıkırın bıldırdı.
Ol öz jazbasynda bazardaǧy kiımderdıŋ baǧasy öte qymbat ekenın, qol jetımdı kiımder Qyrǧyzstannan şyqqan önım ekenın alǧa tartty.
Bazarǧa barsam mektepke balalaryn kiındıruge aǧylǧan halyq. Baǧa ūşyp tūr. Baiqaǧanym jūrttyŋ alatyny qol jetımdı Qyrǧyzdan keletın kiımder eken. Türkiiadan kelgen kostium-şalbardyŋ 50 myŋnan tömenı joq. Odan da ol aqşaǧa qyrǧyzdyq kostium şalbdardyŋ ekeuın almai ma? Pavlodarda būryn Artur, Kvazar men iarmarka dürkırep tūruşy edı. Qazır almatylyq baǧa men Arzan kiımder jelısı olardy naryqtan ysyryp tastapty. Almatylyq arzan dükenderınıŋ tauarynyŋ denı qyrǧyz aǧaiyndıkı. Tapqany tamaqtan aspaityn halyq ärine arzanyna jügıredı. Sonda özımızden eşteŋe şyqpai ma? Jeŋgemnen sūrasam basqasyn aitpaǧanda kädımgı aq märlı bar ǧoi sonymen Qazaqstandy özbekter qamtamasyz etıp tūr deidı.Jetısaida maqta egemız. Ony egu, baptap, ösıru öte auyr jūmys. Sony dihandar bolmaityn tiyn-tebenge satady ǧoi. Esıl eŋbek. Auyldarda maldyŋ terısı men jünı körıngen saida şaşylyp jatyr. Eşkım almaidy. Qaptatyp meşıt sala bergenşe tym qūrysa terı-jün öŋdeitın zauyt salǧanda ǧoi. Öz kiımımızdı özımız tıgıp, jūmyssyzdyq mäselesın de şeşetın edık. Äitpese, Qytaimen, Qyrǧyzben şekarany japsaq jalaŋbūt qalǧandai ekenbız. Zauyt-fabrika salǧanda da jūmys ısteitının salu kerek. Äitpese, Nazarbaev kelıp lentasyn qiyp, erteŋınde jabylyp qalǧan zauyt-fabrikalardy halyq sanap tūryp aita alady,- dep jazdy ol.
”Adyrna” ūlttyq portaly
Ūqsas jaŋalyqtar
