QR Premer-Mınıstri Álıhan Smaıylov Saýda jáne ıntegraııa mınıstrliginiń ujymyna jańa basshy – Premer-Mınıstr orynbasarynyń mindetin atqarýshy – QR saýda jáne ıntegraııa mınıstri Serik Jumanǵarındi tanystyrdy, dep jazady "Adyrna" ulttyq portaly.
Úkimet basshysy búginge deıin Básekelestikti qorǵaý jáne damytý agenttigin basqarǵan Serik Jumanǵarınniń basshylyq qyzmette úlken tájirıbesi bar ekenin atap ótti.
«Serik Maqashuly – jaýapty jáne talapty adam, onyń ózin osyndaı jaýapty qyzmette kórsete alatynyna senimdimin», — dedi Álıhan Smaıylov.
Premer-Mınıstrdiń aıtýynsha, Memleket basshysy ekonomıkany damytýda, kórshi eldermen tyǵyz ekonomıkalyq jáne ıntegraııalyq baılanystardy nyǵaıtýda saýda salasynyń mańyzy zor ekenin atap ótken.
«Mınıstrliktiń aldynda mańyzdy mindetter tur. Árıne, bul ishki saýdany damytý jáne retteý, saýda ınfraqurylymyn jetildirý, bırjalyq jáne elektrondyq saýdany keńeıtý», — dedi Álıhan Smaıylov.
Úkimet basshysynyń sózinshe, oǵan qosa tutynýshylardyń quqyqtaryn qorǵaýǵa, shıkizattyq emes taýarlar men qyzmetter eksportyn damytýǵa jáne ilgeriletýge, sondaı-aq tehnıkalyq retteý jáne standarttaý salasyndaǵy jumysqa úlken nazar aýdarý qajet.
«Áleýmettik mańyzy bar taýarlar baǵalaryn monıtorıngteý jáne olardy turaqtandyrý jóninde sharalar ázirleý – qoǵamdaǵy erekshe nazar aýdarýdy qajet etetin másele. Serik Maqashuly, Memleket basshysynyń joǵary senimin aqtaısyz dep úmittenemiz», — dep túıindedi Premer-Mınıstr.
Vedomstvonyń burynǵy basshysy Baqyt Sultanov Saýda jáne ıntegraııa mınıstrliginiń ujymyna birlesken jumys úshin alǵys aıtyp, Serik Jumanǵarınge jańa qyzmetinde tabys tiledi.
"Adyrna" ulttyq portaly
