NeMolchi qorynyŋ basşysy, qoǧam belsendısı Dina Taŋsärı Pavlodarda 16 jastaǧy jetım qyzdy üş jıgıt aiausyz zorlaǧanyn habarlady, dep jazady "Adyrna" ūlttyq portaly.
Onyŋ aituynşa, 16 jastaǧy qyz zorlyq-zombylyqqa şydamai, 10-qabattan sekırıp ketken.
"Qyzdy aldau jolymen päterge kırgızıp, zorlaǧan. Ol mūny kötere almai terezeden sekırıp kettı. Eŋ qorqynyştysy, būl qyz - tūl jetım, Pavlodardaǧy balalar üiınıŋ tärbielenuşısı. Bızge onyŋ ülken äpkesı habarlasyp, kämeletke tolǧan jalǧyz jaqyny ekenın aitty. Qazır şūǧyl türde zardap şekken qyzǧa ony qamqorşy retınde räsımdeuımız qajet",- dep jazdy ol özınıŋ feisbuk paraqşasynda.Ekıbastūzdan kelgen apaly-sıŋlıler 2009 jyldan berı ekı bölek jetımder üiınde tärbielengen.
"Analary 2010 jyly ata-ana qūqyǧynan aiyrylǧan. 2012 jyly köz jūmyp, qyzdar tūl jetım qalǧan. Osylaişa apaly-sıŋlıler patronattyq otbasyǧa tüsıp, qamqorşydan talai taiaq jegen. Ülken äpkesı 2021 jyly tūrmysqa şyqqan. Al kışı sıŋlısı qaşyp ketken. Kolledjge tüskennen keiın Jasöspırımder üiıne ornalastyrǧan", - deidı qoǧam belsendısı.Tuǧan künge barǧan qyz üş jıgıt tarapynan zorlyq-zombylyqqa tap bolady...
"Ol tanysynyŋ tuǧan künıne baryp, alaida ol jerde özın yŋǧaisyz sezınıp, aqyry ketıp qalady. Äpkemnıŋ üiıne baryp, sol jerde qalamyn dep oilaidy. Bıraq, Pavlodar qalasyn bılmei adasyp, orta jolda üş jıgıttı kezdestıredı. Onyŋ bıreuı äpkesınıŋ synyptasy bolyp şyǧady. Ol ony olarmen bırge baruǧa köndırıp, taksi şaqyryp, äpkene jıberemın dep uäde beredı. Alaida, ary qarai qorqynyşty tüs oryn alyp, äpkesı sıŋlısın ızdei bastaidy. Bıraq, sol sätte onyŋ telefony öşırulı bolady",- deidı Dina Taŋsärı.Osylaişa, üş jıgıt 16 jastaǧy qyzdy päterge aldap kırıp, aiausyz zorlaǧan. Azǧyndardyŋ arsyz äreketıne şydai almaǧan student 10-qabattan sekırıp ketken. Tırı qalyp, ūzaq uaqyt jansaqtau bölımınde jatqan.
"Omyrtqasy synyp, ışkı aǧzalaryna zaqym kelgen. Işkı qūrylysynyŋ qabynuy mi jūmysyna kerı äser etude. Qazır onyŋ köru qabıletı naşarlap, este saqtau qabıletı būzyldy. Tört ret ota jasaldy. Alda taǧy jasalady", - deidı qoǧam belsendısı.Pavlodar oblysy polisiia departamentınıŋ mälımetınşe, 16 jastaǧy qyzdy zorlau deregıne qatysty küdıktıler ūstaldy.
"Qazır Qylmystyq kodekstıŋ 120-baby 3-1 bölıgı (Zorlau), 105-baby(Özın-özıne qol saluǧa deiın jetkızu) jäne 121-babynyŋ 3-1 bölıgı (Seksualdy sipattaǧy zorlyq-zombylyq äreketterı) boiynşa tergeu jürıp jatyr. Saraptamalar taǧaiyndaldy. Tergeu erekşe baqylauǧa alyndy", – delıngen habarlamada.
"Adyrna" ūlttyq portaly
