Erevan sauda ortalyǧyndaǧy jarylys: Armeniiada qaraly kün jariialandy

2691
Adyrna.kz Telegram
https://adyrna.kz/content/uploads/2022/08/f57858ce-f6b5-4d45-b8fc-5fccbfb68b42.jpeg

Armeniia Respublikasynyŋ premer-ministrı Nikol Paşiniannyŋ şeşımımen 17-18 tamyz aralyǧynda «Surmalu» sauda ortalyǧynda bolǧan jarylys qūrbandaryn eske alu üşın qaraly künder jariialandy, dep habarlaidy “Adyrna” ūlttyq portaly. 

«Novosti-Armeniia» agenttıgınıŋ habarlauynşa, būl künderı el jalauy jarty ştatqa deiın jelbıretılıp, habar taratuşylardyŋ jarnamalyq jäne oiyn-sauyq baǧdarlamalaryn körsetuıne tyiym salynǧan.

Aita keteiık, 14 tamyz künı saǧat 13.23-te «Sūrmalu» sauda ortalyǧynda jarylys bolyp, odan keiın ört şyqqan. Aldyn ala mälımet boiynşa, pirotehnikalyq zattar qoimasy jarylyp, aumaǧy 2,8 myŋ şarşy

metrden asatyn üş qabatty ǧimarat jartylai opyrylǧan.

Tötenşe jaǧdailar ministrlıgınıŋ mälımetınşe, jarylys saldarynan 16 adam qaza tauyp, ekeuı ız-tüzsız joǧalǧan. 62 adam zardap şektı, onyŋ ışınde balalar da bar. Zardap şekkender qalanyŋ türlı medisinalyq ortalyqtaryna jatqyzyldy. Seisenbıdegı jaǧdai boiynşa 7 azamat auruhanada jatyr, qalǧandaryna medisinalyq kömek körsetılgennen keiın üilerıne şyǧaryldy. 1 ga aumaqta ızdestıru-qūtqaru jūmystary jürgızılude. 17-18 tamyzda Armeniia men Arsahta qaraly kün jariialandy.

”Adyrna” ūlttyq portaly 

Pıkırler