Jambyl oblysy, Baızaq aýdanynda oq-dáriler qoımasyndaǵy jarylystar saldarynan taǵy bir áskerı qaıtys boldy, dep habarlaıdy "Adyrna" ulttyq portaly Qorǵanys mınıstrligine silteme jasap.
- 2021 jylǵy 7 qyrkúıekte Taraz qalalyq aýrýhanasynda 26 tamyzda Jambyl oblysyndaǵy oq-dáriler qoımasynda bolǵan órtti sóndirý kezinde alǵan jaraqattarynyń saldarynan 28349 áskerı bóliminiń áskerı qyzmetshisi 1983 jyly týǵan, kapıtan Erlan Rysqulbekuly Qyrǵyzálıev qaıtys boldy - delingen habarlamada.
Ol qoımadaǵy órtti sóndirýge kirisken alǵashqylardyń biri bolyp, oq-dárilerdi saqtaý bóliminiń bastyǵy laýazymyn atqarǵan.
Eske salaıyq, 26 tamyz kúni keshki ýaqytta Jambyl oblysy, Baızaq aýdanynyń áskerı bólimindegi qoımalardyń birinde jarylys bolǵany habarlanǵan edi. Saldarynan jalpy sany 16 adam qaza tapty.
"Adyrna" ulttyq portaly
