Tótenshe jaǵdaılar mınıstrliginiń baspasóz hatshysy Talǵat Ýálı Baızaq aýdanyndaǵy áskerı bólimdegi jarylys saldarynan qaza tapqandardyń otbasyna 20 mln teńgeden beriletinin atap ótti, dep habarlaıdy "Adyrna" ulttyq portaly.
- Qaza tapqan qyzmetkerlerdiń otbasyna respýblıkalyq bıýdjetten 10 mln teńge kóleminde kómek kórsetiledi. Al jergilikti bıýdjetten 5 mln teńge, sondaı-aq TJM Azamattyq qorǵaý organdarynyń qyzmetkerleri bir kúndik jalaqylaryn arnaıy esepshotqa aýdarǵan bolatyn. Onda shamamen 100 mln teńge jınaldy. Ol qarjydan 5 mln teńgeden bólinedi. Osylaısha qaza tapqandardyń otbasylaryna 20 mln teńge kóleminde aýdarylady,-dedi TJM baspasóz hatshysy.
Talǵat Ýálı bul materıaldyq kómekten bólek jarylys saldarynan qaza bolǵan qutqarýshylardyń otbasylaryna qyzmetkerdiń laýazymyna qaraı bes jyldyq jalaqysy da aýdarylatynyn aıtty. Sondaı-aq marqum bolǵandardyń nesıeleri de keshirilmekshi.
- Jambyl oblysy ákimdigi qaza tapqan azamattardyń qandaı da bir ekinshi deńgeıli bankterde nesıesi bolatyn bolsa, sony da keshirýge kelissózder júrgizgenin aıtty. Al esepshottta jınalǵan qarajat ártúrli deńgeıde jaraqat alǵandarǵa da úlestiriletin bolady. Onyń kólemi alǵan jaraqatyna baılanysty birneshe sanatqa bólinip, tólemder júrgiziledi,-dedi Talǵat Ýálı.
Budan ózge mınıstrliktiń baspasóz hatshysy jarylystan aman qalan azamattar aldaǵy ýaqytta birinshi jáne ekinshi deńgeıli "Aıbyn", "Halyq qaharmany" sekildi túrli memlekettik nagradalarmen marapattaýǵa usynylǵanyn aıtty.
Esterińizge sala ketsek, 26 tamyzda Jambyl oblysy, Baızaq aýdanyndaǵy 28349 áskerı bóliminde órt shyǵyp, arty joıqyn jarylysqa ulasty. Oqıǵa saldarynan qaza tapqandar sany 17-ge jetti. Marqumdardyń ony azamattyq qorǵaý organdarynyń, altaýy — Qorǵanys mınıstrliginiń áskerı qyzmetkerleri. Bireýi — áskerı prokýror.
"Adyrna" ulttyq portaly
