13-jeltoqsanǧa qaraǧan tünı Jambyl oblysynda magistraldy gaz qūbyry jarylyp, 5 eldı mekendegı 980 üi jylusyz qaldy, dep habarlaidy “Adyrna” ūlttyq portaly.
Naqtylar bolsaq, Jambyl oblysyndaǧy Qyzylqainar, Jasörken, Jalpaqtöbe, Qyzyldihan, Grodekovo auyldarynyŋ tūrǧyndary gazsyz qaldy.
Oǧan qosa osy eldı mekenderdegı 8 äleumettık nysan da jyludan ajyrap qaldy.
Apat Grodekovo auylynda tüngı 22:10 şamasynda bolǧan.
Aldyn ala boljam boiynşa, jarylǧan qūbyrǧa qysym äser etuı mümkın.
Qazır mamandar 20 metrden asatyn qūbyr bölıgın jalǧauda.
Apatqa bailanysty aimaqta arnaiy ştab qūryldy.
«Jöndeu jūmystary şamamen 4-5 saǧat jürgızıledı degen oidamyz. 10 jerden dänekerleu, jalǧau jūmystaryn jürgızu kerek. Äleumettık nysandardan 4 mektep, 2 balabaqşa, 2 medisinalyq ǧimarat jylusyz tūr. Oǧan bailanysty janar jaǧarmaimen jūmys ısteitın arnaiy qūrylǧy nasostarmen olardyŋ jylu jüiesın ainaldyryp, qatyp qalmau üşın äreket jasalyp jatyr», — deidı Jambyl oblysy äkımınıŋ orynbasary Qanatbek Mädıbekov.Ūqsas jaŋalyqtar
