Qytailyqtar qazaq qyzdaryna qyzyǧuşylyq tanytuda

4358
Adyrna.kz Telegram
http://adyrna.kz/content/uploads/2018/08/--YIZDAR---YITAY.jpg
Jaqynda Qytaidyŋ ülken aqparat agentıkterınıŋ bırı sina.com saitynda belgısız avtordyŋ maqalasy jariialandy. Maqala taqyryby: «Qytailyq turis jıgıtterdıŋ Qazaqstanǧa saiahattauynyŋ basqaşa sebebı» dep atalady. Aitpaǧy, Qytai jıgıtterın bızdıŋ elge qydyryp keluge qyzyqtyratyn eŋ maŋyzdy sebep — ädemı qyzdarymyz eken.

Qytai saitynda jariialanǧan suretter

Maqalada Qazaqstanda er men äielder jan sanynyŋ tepe-teŋdıgı saqtalmaǧany aitylady. Er – az, äiel – köp. Onyŋ üstıne qyzdary öte sūlu. Sondyqtan būl elde erler «erkelep» jür. Tıptı, keibır erler äielınıŋ jūmys ıstep, otbasyn asyrauyna üirenıp alǧan. Sol üşın qytai jıgıtter būl elge barsa «qyzdar bazaryn» qyzdyratyny sözsız. Qazaqstannyŋ qazırgı damuy ötken ǧasyrdyŋ seksenınşı jyldaryndaǧy Qytaidy elestetedı. Būl eldıŋ jerasty bailyǧy mol. Damu oraiy köp. Qytai jıgıtterı eŋbekqor, saudanyŋ jaiyn jaqsy bıledı. Qazaqstanǧa barsa ülken bolaşaq kütıp tūrǧany sözsız. Ol elde bır jıgıt tört äiel aluǧa bolady. Demek, būl jaǧdai da qytai jıgıtterdı batysty betke aluǧa jıgerlendıruı tiıs. Eŋ maŋyzdysy, ekı el jaqyn körşı. Memlekettık bailanys jaqsy. Ekı eldıŋ bilıgı jaqyn, dostyq qatynasta. Qazaqstanǧa barǧan qytailyqtarǧa eşqandai qiyndyq tumaidy. Mıne, bızge būiyrǧan «qūdaiy körşımızdıŋ» közdegenı osyndai. Maqala avtorynyŋ bar oiy qytailyqtardy barynşa qyzyqtyryp, Qazaqstanǧa tūmsyǧynan jetelep alyp kelu ekenı körınıp tūr. Bır esepten, şeteldıkterdıŋ bızdıŋ elge osyndai tüsınıkpen qarauyna özımızde sebepkermız. Mäselen, «elımızde bır jıgıtke jetı qyzdan keledı» dep sandyraqtap jürgender qanşama. Aqylǧa syimaityn osy söz talai qyzdyŋ özın qor sezınuıne, aqymaqtau jıgıtterdıŋ «qyztaŋdaǧyş» auyruǧa şaldyǧuyna sebep boldy. Oraiy kelgende aita keteiık, statistika komitetınıŋ mälımetı boiynşa elımızde qazırgı taŋda erler sany 8 865 101, äielder 9 439 397 adam. Demek, paryq anau aitqandai alşaq emes. Ekınşıden, elımız bilıgınıŋ şeteldık käsıpkerler men turisterdı qūşaq aşa qarsy alatyn ūstanymy olardy esırtıp jıbergenı şyndyq. Qazaqstanda tek qazaqtyŋ ǧana qūqyǧy taptalatyn, al qalǧan ūlt pen halyqtyŋ qūrmetke bölenetını jasyryn emes. Osyny bılıp alǧan Qytailar da öz azamattarynyŋ Qazaqstanǧa kelse jaman bolmasyn bılıp otyr, habarlaidy "Qazaq ünı" portaly.
Pıkırler