"Tailandqa baryp, jeke biznesımdı döŋgeletemın" dep sengen qazaqstandyq aktrisa Änel Bermaǧanbetova qūldyqqa tüskenın mälımdedı. Būl turaly ol özınıŋ instagram paraqşasynda habarlady, dep jazady "Adyrna" ūlttyq portaly.
Qyzylorda oblysy Polisiia departamentı būl derekke qatysty QR Qylmystyq kodeksınıŋ 126-baby 1-bölıgı boiynşa (Adam ūrlauǧa bailanysty emes bas bostandyǧynan zaŋsyz aiyru) qylmystyq ıs tırkelıp, sotaldy tergep-tekseru bastalǧanyn habarlady.
Aituynşa, jaqsy qyzmet beremız aldaǧan jūmys beruşıler ony Laos memleketındegı şalǧai auylǧa aparyp, küştep ūstap otyr.
"Ūşaqtan tüskenımde barlyq sūraqtarym (viza, bagaj) boiynşa kömektesken adamdar kütıp aldy. Menı jeke jürgızuşı, vip kölıp, ädemı qonaqüidegı keŋ bölmemen qamtamasyz ettı. "Nenı qalaisyŋ soǧan tapsyrys bere ber, bärın kompaniia köteredı" dedı. Iştei "şynymen bärı de ras bolǧany ǧoi" degen oiǧa keldım. Bıraq taŋerteŋ ūiqydan apatiialyq köŋıl-küimen oiandym, emosiiamdy bıldırmei, "aua-raiy qandai tamaşa" dep qonaqüiden şyǧyp kettım. Jeke jürgızuşım kütıp aldy. Äuejaiǧa jol tarttyq. Sol jerden Chiangraiǧa ūştyq, odan ary qarai 2,5 saǧat bır auylǧa apardy. "Änel, osymen bärı bıttı" dedım özıme. Tölqūjatty baqylau beketıne bardyq, tailandyqtar bır-bırıne basyn izep, elden şyqty dep tūlqūjatyma mör basyp berdı”, – deidı Änel.
Odan ärı qarai Äneldı qaiyqqa otyrǧyzyp, özennıŋ arǧy jaǧyna alyp barady...
"Ol jaqta menı eşkım qarsy alǧan joq. Uaiymǧa äbden salyndym. Qytai menedjerlerı "sızdı kütıp aluǧa kele jatyr" dedı. Söitıp bır jaǧymsyz qytai keldı, türınen alaiaq ekenın bırden baiqadym. Ol men üşın polisiiaǧa aqşa tölep, PTR-test pen qan tapsyrdym. Sodan keiın menı qytai taǧamymen tamaqtandyrdy. Ol menı kompaniianyŋ keŋsesıne alyp kelgen boida, menı aldaǧandaryn tüsındım", - deidı ol.
Osylaişa Äneldı özı bastapqyda oilaǧandai qonaq üige emes 8 adam tūratyn las bölmege ornalastyrady.
"8 adam tūratyn bölmenı körgende, men şoşyp kettım. Tıptı jylap jıberdım. Ol jaqta kıleŋ şoşqalardyŋ ömır sürıp jatqany bırden baiqaldy. Las, kır, duş joq, temegınıŋ qaldyqtary... Menıŋ aǧam men tanystarym polisiiaǧa aryz tüsırdı. Vetnam men Tailand elşılıgıne, sondai-aq, Laos syrtqy ıster ministrlıgıne şaǧymdandy. Olar menı osy jerden qalai alyp şyǧamyz dep qamdanyp otyr. Sebebı, būl jaqta bärın qytailyqtar satyp alǧan", - dep jazdy Änel.
İnvestisiia tartyp, jeke biznesıŋdı aşamyz degen kompaniia alaiaq bolyp şyqty...
"Laosqa kelgenıme tört kün boldy. Men bölmenıŋ esıgın jauyp alyp, eşkımdı kırgızbei otyrmyn. Keşe basşylyqtaǧy qytailyqpen söilesıp, būl jerde jūmys ıstemeitınımdı jäne jolǧa ketken şyǧynnyŋ bärın ötep, üige qaitatynymdy jetkızdım. Ol maǧan "būl saǧan kelıp-ketetın jer emes, bır jylǧa qaluyŋ kerek" dedı. Säikesınşe, men şoşym kettım. İnvestisiia tartuǧa baǧyttalǧan kompaniia alaiaq bolyp şyqty. Maǧan klienttermen jūmys jönındegı menedjerdıŋ jūmysyn oryndau kerek boldy", - deidı ol.
"Tergep-tekseru nätijesınde anyqtalǧan mälımetterge säikes resmi aqparattar qosymşa ūsynylady. Oqiǧa turaly QR Syrtqy ıster ministrlıgıne habarlandy. Jäbırlenuşınıŋ aǧasymen bailanys ornatyldy. Sonymen qatar, QR Konsuldyǧy departamentıne hat joldandy", - delıngen habarlamada.Änel Bermaǧanbetovanyŋ jaǧdaiyna qatysty Syrtqy ıster ministrlıgı de mälımdeme jasady.
"Biyl 19 tamyzda bızdıŋ otandasymyz konsulmen bailanysqa şyǧyp, özınıŋ jaǧdaiy turaly habarlady. Qazaqstan Respublikasynyŋ Hanoidaǧy elşılıgı Laostyŋ Syrtqy ıster ministrlıgıne azamatymyzdy qūtqaruǧa barynşa kömek körsetu turaly tiıstı nota joldady. Laos polisiiasy būl mäselemen ainalysyp jatyr, erteŋ Laostyŋ SIM jäne IIM ökılderımen tiıstı kelıssözder ötedı", - delıngen habarlamada.Ministrlık habarlauynşa, bızdıŋ otandasymyzǧa eşqandai qauıp tönıp tūrǧan joq.
"Jerlesımız diplomattarmen jäne tuystarymen ünemı bailanysta. Onyŋ aituynşa, qūjattary men telefonyna tiıspegen, telefon men internet bailanysyn şektemegen, sondai-aq, küş qoldanbaǧan. Ol Tailandqa jäne odan ärı öz erkımen barǧan. Sondai-aq, Aneldıŋ aituynşa, jūmys beruşıler onyŋ ūşuyna, tūruyna jäne basqa da şyǧyndaryna jūmsaǧan qarajaty ötelse, jıberuge daiyn", - dep mälımdedı QR SIM resmi ökılı Aibek Smadiiarov.Sonymen qatar būl mäsele Vetnamdaǧy elşılıktıŋ erekşe baqylauyna alynǧany belgılı boldy.
"Syrtqy ıster ministrlıgı jäne QR Vetnamdaǧy elşılıgı otandasymyzdyŋ elge oraluyna qajettı kömek körsetedı. Qazaqstan SIM azamattarynan şetelde jūmys ısteu üşın qūjattar men kelısımşarttarǧa qol qoiuǧa deiın jäne şetelge şyqqanǧa deiın olardy mūqiiat zerdeleudı, sondai-aq kütpegen jaǧdailardyŋ tuyndauyn boldyrmau üşın jūmys beruşılerdı tekserudı sūraidy", - dep habarlaidy SIM-nıŋ baspasöz qyzmetı.Aita keteiık, Änel Bermaǧanbetova 2021 jyldyŋ säuır aiynda jaryqqa şyqqan "Ofis za chertoi" filmınde basty röldı somdaǧan.
"Adyrna" ūlttyq portaly
