Aıtysker aqyn Rınat Zaıtov Bekbolat Tileýhan "Qańtar oqıǵasy" bolatynyn aldyn-ala bilip, bizge aıtpaı ketti dep málimdedi. Bul týraly ol Ulysmedia portalyna bergen suhbatynda aıtty, dep jazady "Adyrna" ulttyq portaly.
"Óz basym Bekbolat Tileýhan degen ánshini jaqsy kóremin. Men ol kisimen aralasamyn. Sóılesemin. Biraq Qańtarda ókpeledim... Sonyń ishinde júrip, bárin bildi ǵoı. Bir aýyz aıta salsa bolatyn edi. Ketip qalǵany jaraıdy... Biraq, bir aýyz aıtýǵa bolatyn edi ǵoı! "Jigitter, mine osylaı istelip jatqan nárse. Abaı bolyńdar" dep. Sonysyna ǵana ókpeledim. Al endi ol aıtysta aıtylǵannan keıin "aıtystyń tili" sondaı da... Men shamam kelgenshe qazaqtardyń barlyǵyn jaqsy kóremin. Qaı jamany bolsyn, qaı jaqsysy bolsyn...", - deıdi Rınat Zaıtov.
