Jambyl oblysynyŋ äkımı Nūrjan Nūrjıgıtov «Saiasi reforma jaǧdaiynda Qazaqstan Halqy Assambleiasynyŋ jūmysyn jetıldırudıŋ negızgı baǧyttary» taqyrybynda ötken Jambyl oblystyq Qazaqstan halqy Assambleiasynyŋ XXV sessiiasynyŋ plenarlyq otyrysyna qatysty.
Aimaq basşysy öz sözınde sessiianyŋ mındetı – QHA-ny odan ärı damytu baǧyttaryn belgıleu ekenın atap öttı.
- Elımız üşın tūraqtylyq pen etnosaralyq kelısımdı qamtamasyz etu – memlekettık saiasattyŋ maŋyzdy basymdyqtarynyŋ bırı. Memleket Basşysy Qasym-Jomart Toqaev jaŋa naqty jaǧdaida Qazaqstan halqy Assambleiasynyŋ beibıtşılık pen kelısım saiasatymyzdyŋ berık institusionaldyq tıregı bolyp qala beretının atap öttı. El Prezidentı QHA qyzmetınıŋ üş negızgı basymdyǧyn aiqyndap bergen bolatyn. Olar: Assambleianyŋ saiasi reformalardy ıske asyrudaǧy rölın arttyru, qoǧamdyq äleuetın jandandyru, qūqyq qorǧau qyzmetın küşeitu jäne aqparattyq jūmysty küşeitu. Bızdıŋ oblysta da osy baǧyttar boiynşa keşendı jūmystar jürgızıletın bolady, - dedı Nūrjan Nūrjıgıtov.
Aimaq basşysy şaǧyn jäne orta biznestegı, bılım beru, densaulyq saqtau, mädeniet, sport salalaryn damytuǧa üles qosyp jürgen jambyldyqtardyŋ, türlı etnos ökılderınıŋ jetıstıkterın jüielı negızde keŋınen jariialau qajet dep esepteidı. Öŋırlık QHA müşelerın internet-keŋıstıktegı jūmystardy jandandyruǧa, halyq arasynda aqparattyq-tüsındıru jūmystaryn jürgızuge şaqyrdy.
Sondai-aq, oblys äkımı azamattardy qabyldau, olarǧa qūqyqtyq kömek körsetu, «Batyrlar bızdıŋ aramyzda» jobasyn ıske asyru, etnostar künderın ötkızu, mediasiia institutyn damytu jäne därıpteu boiynşa mındetter jüktedı. Aita ketu kerek, biyl oblysta QR Aqparat jäne qoǧamdyq damu ministrlıgımen bırlesıp mediatorlardy daiyndau boiynşa pilottyq joba jüzege asyryldy.
– Bırlık, tūraqtylyq – Jaŋa Qazaqstandy qūrudaǧy tabysqa jetudıŋ maŋyzdy şarttary. Bız būǧan bırlesıp qana qol jetkızemız. Jalpyūlttyq referendumda Konstitusiialyq tüzetuler men tolyqtyrulardy halyqtyŋ basym bölıgı qoldap, dauys berdı. Endı barşamyz küş bırıktıre otyryp, osy qabyldanǧan özgerısterdı jüzege asyruǧa tiıspız, – dep tüiındedı Nūrjan Nūrjıgıtov.
Sessiia barysynda aimaq basşysy beibıtşılık pen kelısımdı nyǧaituǧa eleulı üles qosyp jürgen bırqatar etnomädeni bırlestıkterdıŋ ökılderın marapattady. Qazaqstan Respublikasy QHA müşesı, «Ahyska» türık etnomädeni bırlestıgı töraǧasynyŋ orynbasary, oblystyq mäslihat deputaty, mesenat Jalil Abbosov öŋırlık QHA töraǧasynyŋ Qoǧamdyq orynbasary bolyp sailandy. Qatysuşylar seksiialyq talqylaular kezınde äzırlengen QHA qyzmetın jetıldıru jönındegı ūsynystardy bırauyzdan maqūldady.
Bügınde oblysta 75 etno-mädeni bırlestık,172 oblystyq QHA janyndaǧy Qoǧamdyq kelısım keŋesı bar.
Jyl basynan berı etnosaralyq qatynasty nyǧaitu maqsatynda 800-den astam ıs-şara ūiymdastyrylǧan.
