Basty bet
Kökeikestı
Oralman märtebesı ūzartylatyn bolypty

Oralman märtebesı ūzartylatyn bolypty

05.09.2018

3745

http://adyrna.kz/content/uploads/2018/09/--AZA--TAR.jpg

Almaty qalasy Memlekettık eŋbek inspeksiiasy jäne köşı-qon basqarmasynyŋ köşı-qon bölımı  qala tūrǧyndaryna myna jaǧdaidy habarlaidy: Elbasy 2018 jyldyŋ 16 säuırınde Qazaqstan Respublikasynyŋ keibır zaŋnamalyq aktılerıne halyqtyŋ jūmyspen qamtyluy jäne köşı-qony mäselelerı boiynşa özgerıster men tolyqtyrular engızu turaly Qazaqstan Respublikasynyŋ Zaŋyna qol qoidy. Zaŋ 28 säuırde resmi aqparat qūraldarynda jariialanyp, qoldanysqa engızıldı.Atalǧan zaŋǧa säikes, Halyqtyŋ köşı-qony turaly Qazaqstan Respublikasynyŋ  2011 jylǧy 22 şıldedegı №477-IV Zaŋynyŋ bırneşe baptaryna özgerıs engızıldı. Sonyŋ ışınde 21-bapqa özgertuler men tolyqtyrular engızdı.  Būl bap oralman kuälıgınıŋ qoldanys merzımı toqtatylǧan oralmandar üşın taǧy bır mümkındık berılgen quanyşty jaǧdai bolyp otyr.

21-baptyŋ  2-tarmaǧynda «Jergılıktı atqaruşy organ ötınış berılgen künnen bastap bes jūmys künı ışınde etnikalyq qazaqtarǧa jäne olardyŋ otbasy müşelerıne oralman märtebesın beredı, nemese ūzartady, nemese beruden nemese ūzartudan uäjdı türde bas tartady» — dep körsetılgen. Iаǧni, oralman kuälıgın alyp, bır jyldyŋ ışınde jeŋıldetılgen tärtıppen azamattyqqa qūjattaryn ötkıze almaǧan oralmandar, kuälıktıŋ qoldanys merzımı toqtatylǧan kezden bastap alty ai ışınde ūzartuǧa ötınış bere alady.

Qazaqstan Respublikasynyŋ azamattyǧyn oŋailatylǧan (tırkeu) tärtıppen alu maqsatynda Qazaqstan Respublikasynyŋ aumaǧynda tūraqty tūratyn etnikalyq qazaqtar oralman märtebesı toqtatylǧan künnen bastap alty ai ötpegen oralman märtebesın ūzartu turaly şeşımdı jergılıktı atqaruşy organ üş aidan aspaityn merzımge bır ret qabyldaidy. Ūzartuǧa ötınıştı memlekettık organ  nemese halyqqa qyzmet körsetu ortalyǧy arqyly beruge bolady, dep habarlaidy aqparat.info.

Facebook - paraqşamyzǧa jazylyŋyz!