Üstımızdegı jyldyŋ 12-13 tamyzynda Şu audanynda Jambyl oblysy QHA Analar keŋesınıŋ köşpelı keŋeitılgen otyrysy öttı.
Is-şara Jambyl oblysynyŋ Ardagerler keŋesı, Analar keŋesı, jäne Qazaqstan Respublikasynyŋ ūlttyq «Qyzyl jarty ai» qoǧamymen bırlesıp ötkızıldı. Köşpelı otyrysqa Qordai, Moiynqūm, Merkı, T.Rysqūlov audandarynyŋ ökılderı, daǧdarys ortalyǧynyŋ mamandary qatysty.
Otyrys barysynda Şu audanynyŋ Analar keŋesı ötkızgen jūmystarmen tanysyp, halyq pedagogikasy, jastardy tärbieleu, nekenı saqtau jäne t.b. mäseleler talqylandy.
Şu audanynyŋ äkımı Säken Arubaevtyŋ pıkırınşe, qoǧam üşın jastardy tärbieleu siiaqty maŋyzdy mäselede aǧa ūrpaqtyŋ täjıribesın, ūlttyq tärbie qūndylyqtaryn basşylyqqa alu maŋyzdy.
Odan ärı QHA Analar keŋesınıŋ töraiymy Mūhabbat Mirajapova «Mädeniettı ūlt-Mädeniettı ana» jobasyn tanystyryp, osy baǧyttaǧy jūmystyŋ maŋyzdylyǧymen bölıstı.
Talqylau barysynda arnaiy oŋaltu ortalyǧyna qajettı zattar turaly mäselesı köterıldı. Öitkenı, tūrmystyq zorlyq-zombylyq qoǧamnyŋ özektı problemasyna ainaluda. Qazır Şu audanynda osyndai jaǧdaiǧa tap bolǧan äielderdı uaqytşa panalau üşın 27 orynmen jabdyqtalǧan daǧdarys ortalyǧy bar.
Şara soŋynda oblystyq Analar keŋesınıŋ müşelerı Qoǧamdyq qabyldau ötkızdı. Ötınış bıldırgenderdıŋ mäselelerın şeşu üşın materialdyq jäne zaŋ tūrǧysynan laiyqty kömek körsetıldı.
