Amerıka Qurama Shtattary Ýkraınanyń qarýly kúshterine 2,98 mıllıard dollarlyq áskerı kómek paketin jarııalady, dep habarlaıdy «Adyrna» tilshisi.
«AQSh óz egemendigin qorǵaý úshin kúresti jalǵastyryp jatqan Ýkraına halqyna qoldaý kórsetýge daıyn»,– dedi el Prezıdenti.
Baıden bul qarajat artıllerııalyq júıeler men oq-dárilerdi, sondaı-aq radarlardy alýǵa múmkindik beretinin atap ótti.
Aıta keteıik, qazirgi tańda AQSh-tyń Ýkraınaǵa jibergen áskerı kómeginiń jalpy kólemi 10,6 mıllıard dollardy qurap otyr.
