Almaty ákimdigi jataqhanalar qurylysyna kómektesedi. Bul týraly QR Parlamenti Májilisiniń depýtaty Mádı Ahmetov óziniń ınstagram paraqshasynda habarlady, dep jazady "Adyrna" ulttyq portaly.
Búgingi keńeste qala ákimi Erbolat Dosaev, Ǵylym jáne joǵary bilim mınıstri Saıasat Nurbek, joǵary oqý oryndarynyń rektorlary men qoǵam ókilderi joǵary oqý oryndarynyń jańa oqý jylyna daıyndyǵyn talqylady.
"Almatydaǵy stýdenttik jataqhana máselesin sheshý asa mańyzdy. Berilgen ýáde is júzinde oryndalady degen oıdamyz", - dep jazdy depýtat.
⠀
Ótken oqý jylynda jataqhanada 32 myń oryn jetispegen edi. Qalanyń 36 joǵary oqý ornynda 182 myń stýdent oqydy, onyń 112 myńy – basqa óńirden kelgender.
"Qala ákimi aıtýynsha, bilim berý granttarynyń kóbeıýine baılanysty syrttan keletin stýdentter 125 myńǵa deıin jetýi múmkin. Osy jyly jataqhana salýdy josparlaǵan tórt ýnıversıtettiń ishinen tek Goncharov atyndaǵy ýnıversıtet qurylys jumystaryna kiristi", -delingen resmı habarlamada.
Erbolat Dosaevtyń tapsyrmasy boıynsha joǵary oqý oryndaryna kómek kórsetý úshin ákimdik qurylys kezinde týyndaıtyn máselelerdi zertteıdi. Buǵan qala ákimdiginiń bólimsheleri, beıindi mınıstrlik pen JOO ókilderi atsalysady.
"Adyrna" ulttyq portaly
