Búgin - Kenshiler kúni. Elimizde jyl saıyn tamyz aıynyń sońǵy jeksenbisinde kenshiler ózderiniń kásibı merekelerin atap ótedi, dep jazady "Adyrna" ulttyq portaly.
Ulytaý oblysy men Qaraǵandy oblysynyń ákimderi kenshilerdi kásibı merekesimen quttyqtady.
"Ken baıytý salasy Ulytaý oblysy úshin erekshe mańyzǵa ıe. Kenshiler men baıytýshylar tek oblysymyzdyń ǵana emes, tutastaı respýblıkanyń damýyna eleýli úles qosyp keledi. Jezqazǵan, Sátbaev, Qarajal qalalary men Jáırem kenti – kenshiler men baıytýshylardyń qutty mekeni. Bıyl oblysymyzda bul mereke bir apta boıy atap ótilip, turǵyndarǵa merekelik kóńil-kúı syılanyp otyr. Osy is-sharalardy uıymdastyrǵan «Qazaqmys» kompanııasynyń basshylyǵyna alǵysymdy bildiremin, — dedi Ulytaý oblysynyń ákimi Berik Ábdiǵalıuly quttyqtaý sózinde.
"Bul kún Qaraǵandy jurtshylyǵynyń eń ataýly merekesi. "ArselorMıttal Temirtaý", "Qazaqmys" korporaııasy jáne taǵy da osy sekildi iri óndiris oryndary óńirimizge jańasha tynys berip, ındýstrııamyzǵa úlesin qosýda. Búginde oblysta taý-ken óndirý ónerkásibi kásiporyndarynda 90 myńǵa jýyq adam eńbek etedi. Qaraǵandy kómir basseıniniń qalyptasýyna baǵa jetpes úles qosqan, onyń tarıhyna eń úzdik jáne umytylmas betterdi jazǵan shahter eńbeginiń ardagerlerine, shahter áýletteriniń ókilderine erekshe alǵys aıtamyn. Sizderge zor densaýlyq, eńbekte tabys jáne otbastaryńyzǵa baq-bereke tileımin! Mereke qutty bolsyn!", - dedi Qaraǵandy oblysynyń ákimi Jeńis Qasymbek.
