Şymkent qalasynda «Zerdelı» aqyl-oi damytu mektebı aşyldy. Būl turaly mektep direktory Mäuıt Rysbekov özınıŋ feisbuk paraqşasynda habarlady, dep jazady "Adyrna" ūlttyq portaly.
"Elordadaǧy eŋbek jolymdy 2008 jyly Daryndy balalarǧa arnalǧan "Zerde” mektebınen bastadym. Ol kezde "Zerde" mektebı “51-mekteptıŋ” 4-qabatynyŋ jartysynda ǧana edı. 5-11 synyptardyŋ är qaisysynda ekı synyptan 14 synypqa, 12-aq kabinet bar edı. Kıreberıstegı dälız (koridor) men direktordyŋ kabinetınıŋ aldyndaǧy dälızde parta, oryndyqtar qoiylǧan, bız siiaqty kabinet timei qalǧandar sol dälızde oqytatynbyz. Adamdar ötıp jatady, oǧan qaraityn bız joq, sabaǧymyzdy öte beretınbız. Oquşylardyŋ qyzyǧuşylyǧy da erekşe edı. 300-den astam balaǧa jalǧyz bır adamdyq därethana, mūǧalımderde soǧan kezekke tūrady. Sondai ortada oqytyp jürıp, halyqaralyq olimpiadaǧa qanşalaǧan balalar şyǧardyq. Sol mektepten bıtırgen qanşalaǧan myqty şäkırtterımız jür. Sol mekteptıŋ arqasynda bükıl respublikaǧa tanyldyq. Alǧaşqy direktorym - Aitjan Ermūhanqyzynan, onan keiıngı direktorym Qūralai Amangeldıqyzynan köp qamqorlyq kördım, köp närse üirendım. Matematik ūstazdarym: Orynbasar Äjıǧaliev, Jūmabike Şaripovna, Küşai Terdıkbai, Sartqoja Baiǧandardan köp närse üirendım, ekı universitet bıtırıp şyqqandai boldym. Künde esep şyǧaryp taldauşy edık. Matematikter ǧana emes, basqada ärıptesterımızdıŋ ärbıreuı bır-bır tūlǧa edı. Keiın üş qabatty şaǧyn, eskı ǧimaratqa köşıp barǧanda quanǧanymyzdy aityp sūramaŋyz", - deidı ol.2014 jyly sol özıme ystyq "Zerde” mektebıne ūiqastyryp, qosymşa bılım beretın "Zerdelı" aqyl-oi damytu ortalyǧyn aştym.
⠀ "Bügıngı taŋda respublikamyzda 20-ǧa juyq bölımşesı bar, 6000-ǧa tarta oquşysy bar, ülken bılım ordasyna ainaldy. Qūdaiǧa şükır, mıne Şymkent qalasynan mektebımızdı aşyp jatyrmyz. Qazırgı aşylyp jatqan keremet jabdyqtalǧan, jaryq-jūryq etken jeke mektepter siiaqty bolmasa da, būryn bala baqşa bolǧan mektepke sai keletın 300 balaǧa arnalǧan şaǧyn ǧimarat. Äzırge bastauyş synyptarǧa lisenziia aldyq. Keleşekte orta mekteptı de qosamyn degen jospar bar. Matematikalyq baǧyttaǧy matematika men aǧylşyn tılı tereŋdetılıp ötetın mektep bolmaqşy Alla qalasa. Aqtöbe qalasynda da mektebımız aşylyp jatyr. Sol "Zerde" mektebı siiaqty halyqaralyq olimpiadaǧa deiın oquşylarymyz şyǧatyn, keremet ūjymy qalyptasqan eldıŋ erteŋı ūlaǧatty ūrpaq tärbieleu basty maqsaty bolatyn arnaiy mektep. Şymkent qalasyndaǧy mekenjai: Dulati 203/1", - dep jazdy Mäuıt Rysbekov.
"Adyrna" ūlttyq portaly
