Jelıde Aigül Qyryqbaeva esımdı azamatşa Aqtau qalasynyŋ atauyn «Şevchenko» dep özgertu turaly petisiia jariialady, dep habarlaidy «Adyrna» tılşısı.
Ol osylaişa ukrain halqyn qoldauǧa bolady dep oilaidy.
«Kaspii teŋızınıŋ jaǧasynda ornalasqan Aqtau qalasy 30 jylǧa juyq uaqyt ışınde bır kezderı Qazaqstanǧa jer audarylǧan ūly ukrain aqyny, jazuşy, etnograf jäne suretşı Taras Şevchenkonyŋ esımımen ataldy. Soŋǧy jahandyq saiasi özgerısterge bailanysty qazaq jerındegı ukraindyq mūrany qoldap, Aqtau qalasyna tarihi «Şevchenko» atauyn qaitarǧymyz keledı. Öitkenı Taras Grigorevich öz Otanynyŋ naǧyz patrioty boldy. Onyŋ damuy men güldenuıne alaŋdap, qarapaiym ukrain halqynyŋ qaiǧy-qasıretıne şyn köŋılmen qarady. Sol siiaqty Ukraina topyraǧyna kelgen qazırgı qaiǧy qazaqstandyqtardy da bei-jai qaldyrmaidy. Jüz myŋnan astam adam qaza tapty. İnfraqūrylymdar qirady. Jüzdegen otbasy köşıp kettı. Bauyrlas ukrain halqyna nemqūraily qaramau jäne erekşe yntymaqtyŋ belgısı retınde qalamyzǧa «Şevchenko» atauyn qaitaruyŋyzdy sūraimyz»,—dedı belsendı.
