Sybailas jemqorlyqqa qarsy ıs-qimyl agenttıgı tergeu departamentı basşysynyŋ eks-orynbasary, būrynǧy arnaiy prokuror Olesia Keksel azaptau ısı boiynşa küdıkke ılındı. Būl turaly Bas prokuraturanyŋ baspasöz qyzmetı aitty, dep habarlaidy «Adyrna» tılşısı.
«2025 jylǧy 4 şıldede Bas prokuratura Qylmystyq kodekstıŋ 146-babynyŋ 2-bölıgınıŋ 1-şı jäne 2-tarmaqtaryna säikes («Azaptau») közdelgen qylmysty jasady degen küdıkpen Sybailas jemqorlyqqa qarsy ıs-qimyl ūlttyq biurosynyŋ Tergeu departamentı basşysynyŋ būrynǧy orynbasary Keksel O.İ.-nı küdıktı dep tanydy»,—dep tüsındırdı qūzyrly organ.
Qazırgı taŋda tergeu amaldary jürgızılıp jatyr.
Aita keteiık, Olesia Keksel eks-premer Serık Ahmetov pen eks-ministr Quandyq Bişımbaevqa qatysty atyşuly ısterdı tergegen bolatyn. Ol 2019 jyly da azaptau ısı boiynşa küdıktı retınde tanylǧan. Käsıpkerdıŋ şaǧymy negızınde Keksel men Bas prokuraturanyŋ tergeu tobyna kırgen Bauyrjan Ǧabbasovqa qatysty sotqa deiıngı tergeu bastalǧan. Ötınış beruşı būl tūlǧalar tergeu barysynda zaŋsyz täsılder qoldandy dep mälımdegen. Bastapqyda Bas prokuratura, keiın sol kezdegı Işkı ıster ministrı Erlan Tūrǧymbaev Kekselge bailanysty ıs qylmys qūramy joq bolǧandyqtan toqtalǧanyn aitqan edı.
