Pavlodar oblysynda qart adamdarǧa qatygezdık körsetılgen jantürşıgerlık jaǧdai anyqtaldy, dep habarlaidy "Adyrna" ūlttyq portaly.
Būl turaly Bas prokuratura habarlady.
Aqsu qalasynyŋ prokuraturasy jergılıktı biudjetten qarjylandyrylatyn pansionattardyŋ bırınde beinejazbalardy zerttei kele, egde jastaǧy azamattarǧa zorlyq-zombylyq körsetılgenın anyqtady. Prokuratura qyzmetkerlerınıŋ mälımetınşe, pansionat qyzmetkerlerı ekı qart adamdy ūzaq uaqyt boiy qorlap, qatygezdık körsetken. Jäbırlenuşılerdıŋ bırı – 84 jastaǧy qariia. Olardy ünemı ūryp-soǧyp, qoldaryn būrap, qystyŋ suyǧynda syrt kiımsız dalada ūstaǧan.
"Mekemede tüsırılgen beinejazbalardy zertteu barysynda jantürşıgerlık faktıler aşyldy: pansionat qyzmetkerlerı tūraqty ekı därmensız qariiany ūzaq uaqyt boiy qorlap, zorlyq-zombylyq körsetken. Jäbırlenuşılerdıŋ bırı - 84 jasta. Olardy ünemı ūryp-soǧyp, qoldaryn būrap, qystyŋ suyǧynda syrt kiımsız aulada ūstaǧan", - delıngen habarlamada.
Atalǧan faktı boiynşa QR Qylmystyq kodeksınıŋ 110-babynyŋ 2-bölıgı ("Azaptau") boiynşa sotqa deiıngı tergeu amaldary bastaldy. Qazırgı uaqytta kınälı adamdar anyqtalǧan. Tergeu müddesıne bailanysty tolyq aqparat jariialanbaidy.
