"Bilıktıŋ barlyq tarmaǧyna jaŋa, taza adamdardy äkelu qajet. Tek memleket müddesın oilaityn. Ondai azamattar 19 mln halyq ışınen tabylady. Ekınşı. "Parizitterdı" qūrtu kerek, äitpese qoǧamda ülken "epidemiia" bolady". Būl pıkırdı QR Parlamentı Mäjılısınıŋ deputaty Edıl Jaŋbyrşin özınıŋ feisbuk paraqşasynda qaldyrdy, dep jazady "Adyrna" ūlttyq portaly.
"Eldıŋ köŋılı referendumǧa deiıngıdei emes. Jabyrqau... Kütken jaŋalyqtyŋ, köŋılden şyqpaǧany körınıp tūr. Şaryqtap ketken baǧa, tityqtatqan jūmyssyzdyq, teŋızdıŋ qasynda otyryp, auyz suǧa jarymau, aita berseŋ problema şaş etekten. Qūrylys jūmystaryna qarjy jetıspeidı, jobalyq-smetalyq qūjattar tügelge juyq korrektirovkadan ötuı kerek. Oǧan da qarjy jetıspei jatyr deidı qūrylysşylar. Arty ne bolmaq? Mekteptegı saǧat qysqartudan bosaǧan mūǧalımder mäselesı taǧy bar. Janar-jaǧar mai defisitı. Bız mūnai men gazdyŋ üstınde otyrǧan elmız, üş mūnai öŋdeu zauytymyz bar. Būl qalai sonda?! Qant tapşylyǧy neşe ai boldy älı rettelgen joq, retteletın türı de körınbeidı. Osylardy jüielı şeşuge baǧyttalǧan jobalar da körınbeidı. Būl bıreudı kınälau emes, halyqtyŋ aityp otyrǧan nazy men syny",- deidı Edıl Jaŋbyrşin.Deputattyŋ aituynşa, qazır el qatty qinalyp otyr.
"Jaǧdai "eskı Qazaqstannanda" jaman bolyp kettı dep, aityp otyrǧandar bar. Menıŋ oiym aitady: 1. Eskı jüiede jūmys jasap qalǧan şeneunıkter, jaŋa jaǧdaiǧa beiımdele almai, jaŋaşa jūmys jasai almai otyr. Eskı "Jiguli" qanşa ädemıleseŋde "Toiota" bola almaidy. Qanşa ret aittyq, jaŋa kadrlar kerek dep. Bärın jasaityn adam, 8 aida eşteŋe jasai almaǧan Ükımet, endı bırdeŋe qatyra qoiady degenge öz basym senbeimın. Renjımesın jıgıtter. 2. Älı künge şeiın ekonomikany "jaulap" alǧan oligarhtar ketpegen. Sol baiaǧy "örkeş maidy" soru jürıp jatyr. Bır shemadan, ekınşı shemaǧa auysyp. Äitpese künı keşe tym jaqsy satylyp tūrǧan dizel otyny men benzin nege joq? Sol baiaǧy tarifter, sol baiaǧy "otkattar", sol baiaǧy jemqorlyq, sol baiaǧy äue biletterınıŋ qymbatşylyǧy jäne t.s.s. 3. Sabotaj. Eskı kadrlar men ekonomikaǧa kırıp alǧan "parazitterdıŋ" oiy memleket basşysynyŋ halyq aldynda bedelın tüsırıp, taqtan taidyru. Aldaǧy uaqytta olar özderınıŋ quattary men resurstary küirep, halyqtyŋ äl-auqaty artatynyn bıledı. Şamalary kelgenşe qarsylasuda. Qarsylyq barlyq salada jäne deŋgeide jürıp jatyr! Ne ısteu kerek? Bilıktıŋ barlyq tarmaǧyna jaŋa, taza adamdardy äkelu qajet. Tek memleket müddesın oilaityn. Ondai azamattar 19 mln halyq ışınen tabylady. Ekınşı. "Parizitterdı" qūrtu kerek, äitpese qoǧamda ülken "epidemiia" bolady. Üşınşı. Mūny tez jasau kerek. Jaŋa jylǧa deiın. Şydamnyŋ da şegı bar ekenın ūmytpaǧan jön!", - deidı deputat.
"Adyrna" ūlttyq portaly
