Elımızde tırşılık jaŋarǧan uaqytta jylda bolatyn auys-tüiıstıŋ bergı betı körıne bastady. Künı keşe Elbasynyŋ jarlyǧymen Astana qalasynyŋ äkımı Äset İsekeşev qyzmetınen bosatylyp, prezident äkımşılıgınıŋ basşysy lauazymyna taǧaiyndaldy. Memleket basşysynyŋ mūndai şeşımıne qatysty el arasyndaǧy pıkır ekıge bölındı. Alaida qoldap, şeşımnen oŋtaily nätije kütetınderdıŋ qatary artqan. Mäselen, İsekeşevtı jaŋa ärı jauapty lauazymymen qūttyqtap, quanyşymen bölıskenderdıŋ qatarynda bloger, sarapşy Syrym Äbdırahmanov, tanymal piar mamany Quat Dombai, belsendı Arujan Saiyndar bar. Al keibırı Feisbukte otyratyn şeneunıktı «endıgı paraqşasyn öşırıp, menmensıp ketetın şyǧar» dep te boljady. Alaida eks-äkımnıŋ paraqşasy älı sol qalpynda, tıptı äkımdıktıŋ saityndaǧy jaŋalyqpen bölısıp qoiypty.
Jalpy İsekeşev halyq üşın nesımen este qaldy? Bır tızıp şyqsaq...
Äset İsekeşev ekı jyl Astananyŋ äkımı bolǧan uaqytta ekı jylda da qatty jaŋbyr saldarynan qalany su basty. Astana dese, özge qala tūrǧyndarynyŋ köz aldyna elesteitını jaŋbyr men su astynda qalǧan qala ekendıgınde kümänımız joq. Iаǧni äkımnıŋ şeşımın tappaǧan mäselelerınıŋ eŋ bastysy - qaladaǧy aryq jüiesınıŋ jöndı tartylmauy. Atalmyş mäselege qatysty eks-äkım Elbasydan sögıs te aldy. Al byltyr säuırde qaladaǧy tärtıpsızdıktıŋ kesırınen Nazarbaevtan söz estıgen İsekeşev taŋǧy 6-dan bastap qalany retke keltırudı bastap ketken edı.
Būdan özge, äkım qaramaǧyndaǧy şeneunıkterdı taksige otyrǧyzdy. Velosipedşılerdıŋ jaǧdaiyn jasady, iaǧni velojoldardyŋ sany artty. Türlı jobalardy jüzege asyrdy. Mäselen, "Smart Astana", "Balabaqşaǧa kezektı ESQ" arqyly alu, Astana LRT, t.b.
İsekeşevtıŋ Astana – «Samaia vyşka» dep ändetuı äkımnıŋ zamanaui boludan qoryqpaityndyǧynyŋ bırden-bır dälelı bolsa kerek.
Jalpy İsekeşev qala tūrǧyndary üşın qarapaiym äkım retınde este qaldy desek äbden bolady. Al saiasatkerler ne deidı? Äkımnıŋ prezident äkımşılıgınıŋ basşysy bolyp taǧaiyndaluyn saiasattanuşy Aidos Sarym qoldap otyr. Aituynşa, Äset İsekeşev belesterdı baǧyndyrǧan jas ärı täjıribelı maman.
«Prezident äkımşılıgınıŋ basşysy – jabyq qyzmettıŋ bırı. Ministrlıktegı, äkımdıktegı basşylar atqarǧan jūmystaryn aityp, tüsındıruge mäjbür bolsa, prezident äkımşılıgınıŋ qyzmetkerı özınıŋ baǧyt-baǧdary jaiynda eşkımge tıs jarmaidy. Äset İsekeşev – zamanaui adam, osy zamannyŋ tülegı. Bälkım bır sūhbat berıp, ülken maqala jazyp, özınıŋ aldaǧy baǧyt-baǧdary turaly naqty äŋgıme aitsa nemese prezident mynadai tapsyrmalar berdı, jūmys soǧan negızdeledı dep aitsa, qoǧam üşın de, saiasi mädenietımız üşın de jaqsy bolar edı», - dep oiymen bölıstı saiasattanuşy.
Sonymen qatar äkımdık qyzmetın de «jaqsy» dep baǧalady.
«Jūmysyn barynşa aşyq jasady. Jeke kölıkten bas tartu, qoǧamdyq kölıktıŋ jūmysyn ornyqtyru, jalpy qoǧammen bailanys ornata bıldı. Tıptı «kımde-kım jeke paraqşasyna jazsa, özı jauap beredı» degendı estıp qaldym. Jalpy jastarmen tyǧyz bailanysta bolǧan äkım dep oilaimyn. Äkım degen qūdai emes, paiǧambardyŋ ümbetı emes, qoǧamǧa qyzmet etetın azamat. İsekeşev qoǧamǧa qyzmet kete bıldı. Tek osyny ärı qarai damytyp jalǧastyra berse deimız», - dep sözın qorytyndylady.
Qoǧam belsendısı, saiasattanuşy Mūhtar Taijannyŋ da pıkırı Aidos Sarymnan alystai qoimady, tek keibır jobalaryna syni pıkır bıldırdı.
«Ol äkım bolǧan uaqytta qala taza boldy. Saiabaqtardyŋ sany artty. Qalanyŋ damuy üşın jyl saiyn qanşama qarajat salynyp jatty. Onyŋ oryndy-orynsyz jūmsalǧanyn bılmeimın, bıraq Astananyŋ körıktı qala boluyna yqpalyn tigızdı. Äkım retındegı jūmysyna terıs pıkır bıldıre almaimyn», - dei kele köŋılı tolmaǧan bır jaitty eskerıp öttı.
«Şyny kerek, LRT jobasyna köŋılım tolmady. Astana halyqaralyq äuejaiy, EXPO-2017 körmesın, odan ärı «Abu-Dabi Plaza» köp qabatty keşenı jäne jaŋa temırjol vokzalynyŋ arasynda jalǧaityn jaŋa relstı kölık jüiesınıŋ Astanaǧa qajetı joq. Qala onsyz da kışkentai. Ol joba üşın Qytaidan bır jarym milliard dollarǧa deiın qaryz aldyq. Ūşaqtar da köp ūşpaidy, beker boldy. Tek syrtqy qaryzymyzdy köbeittı», - dedı Mūhtar Taijan.
Al prezident äkımşılıgınıŋ basşysy bolyp taǧaiyndalǧan äkımge ekonomist ärı qoǧam belsendısı mynany aitady:
«Ol myna saiasi jüienıŋ sarbazy. Būl jüie tübı özgeredı. Sol uaqytta onyŋ är sarbazy ıstegen ıs-äreketıne jauap beredı. Qazaq elıne paidasy tidı me, älde ziiany ma? Alǧaş ret orta buynnyŋ ökılı osyndai joǧary därejege jetıp otyr. Sondyqtan oǧan bylai aitar edım: «Äset, elımızdıŋ jaqsaruyna ülesıŋdı qos. Syrtqy qaryzymyzdy azaituymyz kerek. Parlamenttı adal, demokratiialyq türde sailaiyq. İä, Parlamenttıŋ ışınde sauatty deputattar bar. Bıraq özgermei, sol küiı tūrǧanyna 15 jylǧa juyqtady Parlamentke demokratiialyq zaŋmen jaŋa tūlǧalar kıru kerek. Sen soǧan ülesıŋdı qossaŋ, nūr üstıne nūr bolar edı», - dep ssözıne aiaqtady dep jazady "Qamşy" saity.
