Premer-Mınıstr Álıhan Smaıylovtyń tóraǵalyǵymen ótken Qazaqstan Úkimetiniń otyrysynda jylytý maýsymyna daıyndyq máselesi qaraldy, dep habarlaıdy "Adyrna" tilshisi.
Qylyshyn súırep keler qystyń da aýyly alys emes. Soǵan oraı, elde jylytý maýsymyna daıyndyq jumystary qarqyndy júrgizilýde.
"Elektr stanııalarynda 4 energoblokta, 25 qazandyqta, 23 týrbınada jóndeý aıaqtaldy. Al 4 energoblokta, 27 qazandyq pen 16 týrbınada jóndeý jumystary ártúrli satylarda. Jylý berý kezeńine qazandyqty daıyndaý úshin 1073 qazandy nemese jospardyń 90%-yna jóndeý júrgizildi. Elektr jelilerin jóndeý bekitilgen kestege sáıkes aıaqtalýda",- dep habarlady Energetıka mınıstri Bolat Aqsholaqov.
Aıtýlarynsha, elektr stanııalarynda otyn jınaqtaý jalǵasýda: energııa kózderi qoımalaryndaǵy kómir qory 3,9 mln tonnany jáne 83 myń tonna mazýtty quraıdy, bul jalpy bekitilgen normalarǵa sáıkes keledi.
Sonymen qatar Qaraǵandy, Shyǵys Qazaqstan oblystaryndaǵy elektr stanııalarynyń negizgi jabdyqtaryn jóndeý merzimderiniń saqtalmaǵany atap ótiledi.
Budan basqa, Shymkent qalasynda jáne Qaraǵandy, Mańǵystaý oblystarynda kúrdeli jóndeýler 2023 jylǵa aýystyryldy.
Al eldegi bilim berý nysandaryna keler bolsaq, búginde 11 075 bilim berý obektisi (jospardyń 99%-y) ) jáne 5 566 densaýlyq saqtaý nysany (98%) jylý berý maýsymyna daıyn.
Sonymen qatar 42 383 turǵyn úıde (88%) jóndeý jumystary aıaqtaldy, sondaı-aq 11 myńnan astam derbes qazandyq (97%), 1 176 km jylý jelileri (94%) jáne 2 031 km sýmen jabdyqtaý jáne sý burý jelileri (86%) jóndeldi.
Aıta keteý kerek, kómir óndirýshi kompanııalar 2022 jylǵy qańtar-shilde aılarynda 66,4 mln tonna kómir óndirdi. Bul ótken jyldyń tıisti kezeńimen salystyrǵanda 106%-dy quraıdy. Barlyq óńirlerde kómirdiń qory qajetti mólsherde jınaqtalǵan.
Sondaı-aq Soltústik Qazaqstan oblysynyń ákimi Qumar Aqsaqalov, Abaı oblysynyń ákimi Nurlan Uranhaev, Nur-Sultan qalasynyń ákimi Altaı Kólginov baıandama jasady.
Premer-Mınıstr jalpy óńir ákimdikteri jylytý maýsymyna daıyndyq jumystaryn kestege saı júrgizip jatqanyn aıtty. Qostanaı, Almaty, Qyzylorda, Batys Qazaqstan oblystarynyń ákimdikteri áleýmettik sala obektileri men turǵyn úılerdi jylytý maýsymyna daıyndaý josparyn 100% oryndady. Degenmen, turǵyn úılerdiń daıyndyǵyn kesteden keshiktirý faktileri de bar. Mysaly, Pavlodar oblysy.
«Halyqqa jylý ýaqytymen berilip, kómir jetkizýge baılanysty problema bolmaýy tıis. Kómir tapshylyǵy jyl saıyn qaıtalanatyn úırenshikti jaǵdaıǵa aınalyp barady. Kómir baǵasynyń kúrt ósýi, ýaqytynda jetkizilmeýi, óńirlerde kómir qoryn der kezinde jınap almaý – osynyń barlyǵy halyqtyń narazylyǵyna alyp keledi. Buǵan jol berýge bolmaıdy», — dedi Álıhan Smaıylov.
Premer-Mınıstr jylytý maýsymyna deıin az ǵana ýaqyt qalǵanyn atap ótti.
«Soltústik óńirlerge sýyq erte túsedi. Sondyqtan jylytý maýsymyn qyrkúıektiń sońynda bastaý josparlanǵan. Demek, daıyndyq jumystaryn barynsha tezdetý qajet. Barlyq obektilerdiń jylytý maýsymyna daıyndyǵy boıynsha jumystyń aıaqtalýyn baqylaýdy qamtamasyz etý kerek. Bul másele Úkimettiń turaqty baqylaýynda bolady», — dep túıindedi Álıhan Smaıylov.
«B
