Máskeýdegi Lomonosov mýnııpaldy okrýginiń depýtattary Pýtınnen otstavkaǵa ketýdi surady. Olar onyń basqarý modeli "eskirgenin" jáne Reseıdiń damýyna aıtarlyqtaı kedergi keltiretinin alǵa tartty, dep jazady "Adyrna" ulttyq portaly.
"Saılaý jaqyndap keledi, birneshe kúnnen keıin bizdiń Keńestiń quramy ózgeredi. Biz bes jyl boıy qyzmet atqardyq jáne osy qyzmetti jańa ıdeıasy men kúsh-jigeri bar jańa adamdarǵa beretin ýaqyt keldi. Zertteýler kórsetkendeı, basshysy turaqty ózgerip otyrǵan elderde adamdar jaqsy jáne uzaq ómir súredi. Siz birinshi jáne ekinshi merzimge prezıdent bolyp saılanǵan ýaqytta jaqsy reformalar boldy, biraq sodan keıin barlyǵynyń tas-talqany shyqty. Siz jáne sizdiń baǵynyshtylaryńyz qoldanyp júrgen rıtorıka uzaq ýaqyt boıy tózimsizdik pen agressııaǵa toly boldy, bul aqyr sońynda elimizdi qyrǵı-qabaq soǵys dáýirine qaıtardy. Álem Reseıden qorqyp, jek kóre bastady. Biz taǵy da búkil álemge ıadrolyq qarýmen qaýip tóndirip otyrmyz. Joǵaryda aıtylǵandarǵa baılanysty sizdiń kózqarastaryńyz, basqarý modelińiz eskirgendikten jáne Reseıdiń damýyna kedergi keltiretindikten qyzmetińizdi bosatýdy suraımyz, – delingen úndeýde.
"Adyrna" ulttyq portaly
