1917 jylǧy jeltoqsanda Orynborda ötken Ekınşı jalpyqazaq sezı qazaq tarihyndaǧy asa maŋyzdy saiasi betbūrystardyŋ bırı boldy. 5–13 jeltoqsan aralyǧyndaǧy būl tarihi jiynda Alaş avtonomiiasy jariialanyp, Älihan Bökeihan töraǧalyq etken Alaşorda ükımetı qūryldy. Qazaq halqynyŋ HH ǧasyrdaǧy alǧaşqy ūlttyq memlekettık basqaru jüiesı osylai qalyptasyp, eldıŋ avtonomiiasy, qauıpsızdıgı men ūlttyq müddesın qorǧauǧa baǧyttalǧan jaŋa kezeŋ bastaldy.
Sezd töraǧasy bolyp belgılı qoǧam qairatkerı Älihan Bökeihan sailandy. Būl – qazaq halqynyŋ HH ǧasyrdaǧy alǧaşqy ūlttyq ükımetı edı.
Sezd qazaq ölkesınıŋ saiasi märtebesın talqylap, avtonomiia qūru turaly şeşım qabyldady. Būl şeşım qazaq qoǧamynyŋ öz jerın, qūqyǧyn, ūlttyq müddesın qorǧau baǧytynda jaŋa kezeŋ bastaǧany dep baǧalanady.
Sezd barysynda eldıŋ qauıpsızdıgın qamtamasyz etu üşın halyq milisiiasyn qūru, iaǧni ūlttyq äskeri küş jasaqtau turaly qauly qabyldandy.
Jiyn barysynda 15 müşeden tūratyn uaqytşa ükımet – Alaşorda sailandy. Uaqytşa ükımettıŋ ortalyǧy retınde Semei qalasy belgılendı (keiın qalanyŋ aty «Alaş» dep te ataldy).
Ahmet Baitūrsynūly sezdıŋ tarihi maŋyzyna toqtalyp, bylai dep jazdy:
«5-13 jeltoqsanda Orynbor qalasynda ötken jalpyqyrǧyz sezı Qyrǧyz ölkesın avtonomiialy dep jariialap, halyq milisiiasyn qūrdy. Onda 15 müşeden tūratyn, Bökeihanov (bükıl qyrǧyz halqyna tanymal qoǧam qairatkerı) basşylyǧyndaǧy Alaşorda atty uaqytşa ükımetın sailady. Uaqytşa ükımettıŋ uaqytşa orny retınde Semei qalasy körsetıldı. Alaşorda aǧzalary Orynbor qalasyndaǧy bırınşı otyrysynda 1918 jyly 10 qaŋtarda Semei qalasynda jinaludy qauly ettı».
Būl mälımet sol kezeŋnıŋ resmi saiasi qadamdarynyŋ kuäsı retınde tarihi qūjattarda saqtalǧan.
