Foto: Äli Ǧalym
Astanada «AMANAT» partiiasynyŋ kezektı Sezı öttı. Onyŋ qorytyndysy boiynşa partiia müşelerı memlekettı damytu baǧytynda atqarylǧan jūmys nätijesın qorytyndylap, «Ädılet» partiiasyna qosylu ideiasyn qoldady. Būl şeşım Memleket basşysynyŋ el damuynyŋ jaŋa kezeŋınde barlyq progressivtı qoǧamdyq-saiasi küşterdı jalpyūlttyq qūndylyqtar men maqsattar töŋıregınde toptastyru turaly ündeuıne qoldau körsetu maqsatynda qabyldandy.
Sezd jūmysyna Qazaqstannyŋ barlyq öŋırınen kelgen delegattar, Saiasi keŋes müşelerı, Parlament deputattary, «Jastar Ruhy» jastar qanatynyŋ belsendılerı qatysty. Jalpy sany 1500-den astam adam bas qosty.
Öz sözınde, Mäjılıs Spikerı, «AMANAT» partiiasynyŋ Töraǧasy Erlan Qoşanov Prezident Qasym-Jomart Toqaevtyŋ tabysty jüzege asyrylyp jatqan reformalary bügınde jaŋa qoǧamnyŋ ırgetasy men memlekettıŋ jaŋa kelbetın qalyptastyryp jatqanyn atap öttı. Onyŋ aituynşa, qazırgı taŋda täuelsızdıktı nyǧaitu, halyqtyŋ äl-auqaty men bırlıgı, ūlt tūtastyǧy sekıldı basty qūndylyqtar aldyŋǧy qatarǧa şyqty. Memleket basşysynyŋ batyl şeşımderı arqyly bilıktıŋ barlyq instituty tübegeilı jaŋǧyryp, saiasi bäsekelestık küşeidı, al qoǧam naqty şeşımder qabyldau üderısıne yqpal etetın senımdı dauysqa ie boldy.
Mäjılıs Töraǧasy būl üderısterdıŋ şaryqtau şegı ärı Prezident Qasym-Jomart Toqaev ūstanǧan saiasattyŋ şynaiy jeŋısı retınde jalpyūlttyq referendumda qazaqstandyqtardyŋ basym köpşılıgı qoldaǧan jaŋa Konstitusiianyŋ qabyldanuyn atady. Bügınde elımız jaŋa tarihi däuırge qadam basty. Onyŋ negızınde adam, ädıldık, zaŋ jäne progress qaǧidattary jatyr.
«Qazır bız uaqyt talabyna, memleket müddesıne jäne qoǧam sūranysyna sai keletın qadam jasauymyz kerek. Bügınde elımız bölınuge emes, bırıguge ūmtyluy qajet. Sondyqtan osy jauapty kezeŋde öz resurstarymyzdy jaŋa saiasi küş – «Ädılet» partiiasyna qosuymyz kerek. Osylaişa, bırtūtas prezidenttık baǧyttaǧy saiasi küş qūramynda Ädılettı ärı Progressivtı Qazaqstandy bırge qūrudy jalǧastyramyz. Bız öz qaǧidattarymyzdan, ūstanymdarymyzdan jäne ideialarymyzdan bas tartpaimyz. Kerısınşe, olardy odan ärı küşeitıp, mümkındıkterın keŋeitıp, jaŋa damu deŋgeiıne köteremız», – dedı Erlan Qoşanov.
«AMANAT» Töraǧasy būl şeşımdı partiianyŋ barlyq deŋgeidegı müşelerı qoldaǧan tabiǧi ärı kemel saiasi üderıs dep atady.
«AMANAT – babalar amanaty ärı bolaşaq ūrpaq aldyndaǧy jauapkerşılık. Ädılet – quatty ärı zamanaui memlekettıŋ negızı sanalatyn ädıldık. Osy qūndylyqtardy bırıktıre otyryp, qoǧamdyq bırlıktı nyǧaitamyz. Tüptep kelgende, bärımızdıŋ maqsatymyz ortaq – quatty Qazaqstan, güldengen memleket jäne ärbır azamattyŋ äl-auqaty. Bız däl osy maqsat jolynda qabyldap otyrǧan şeşımımızdı joldyŋ soŋy emes, ortaq tarihymyzdyŋ jaŋa tarauynyŋ bastauy dep bılemız», – dedı Erlan Qoşanov.
Sezde Memleket basşysynyŋ saiasi baǧytyna qoldau körsetu boiynşa partiia tarapynan atqarylǧan auqymdy jūmys qorytyndylandy.
Reformalardy zaŋnamalyq tūrǧydan qoldau mäselesı turaly Mäjılıs deputaty, «AMANAT» partiiasy parlamenttık fraksiiasynyŋ jetekşısı Aidos Sarym baiandady. Osy şaqyrylym barysynda bastamaşylyq etılgen 118 zaŋ jobasynyŋ 104-ın «AMANAT» fraksiiasynyŋ deputattary äzırledı. Būl – barlyq zaŋnamalyq bastamalardyŋ 88 paiyzy. Atalǧan zaŋ jobalary el damuynyŋ eŋ özektı mäselelerın şeşuge baǧyttaldy. Sonymen qatar deputattar köptegen deputattyq saualdar joldap, jüzdegen myŋ azamatty qamtyǧan myŋdaǧan kezdesu ötkızdı.
Prezident saiasatynyŋ negızgı qozǧauşy küşınıŋ bırı retınde partiia äleumettık jobalar arqyly qoǧamdaǧy eŋ özektı mäselelerdı jüielı türde şeşıp keldı. Mäselen, «Qaryzsyz qoǧam» jobasy 1,5 mln adamnyŋ şamadan tys qaryz jüktemesımen küresuıne kömektestı. «Auyl amanaty» baǧdarlamasy 2,5 paiyz mölşerlemesımen mikronesieler beru arqyly auyldyq jerlerde ondaǧan myŋ jaŋa jūmys ornyn aşuǧa mümkındık berdı. «Jer amanaty» jobasy aiasynda 15 million gektar jer memleket pen halyqqa qaitaryldy. «Sifrlyq qoǧam» jobasy memlekettık organdardy, IT-qoǧamdastyqty jäne erıktılerdı bırıktırıp, barlyq öŋırde sifrlyq sauattylyqty arttyruǧa yqpal ettı. Al «TURGYNDAR AMANATY» tūrǧyndar men memlekettık organdar arasynda tūrǧyn üi-kommunaldyq şaruaşylyq salasyndaǧy mäselelerdı şeşuge baǧyttalǧan tıkelei dialog ornatty.
Üş jyl ışınde «Halyqpen bırge!» sailaualdy baǧdarlamasynyŋ 70 paiyzy oryndaldy. Atap aitqanda, 600 jaŋa mektep salyndy, memlekettık qyzmetşılerdıŋ, därıgerler men mädeniet salasy qyzmetkerlerınıŋ jalaqysy köterıldı, insulttık jäne kardiologiialyq ortalyqtar aşyldy, tegın skrining baǧdarlamalary ıske qosyldy. Käsıbi qauymdastyqtarmen jürgızılgen tıkelei dialogtyŋ nätijesınde mūǧalımder özderıne tän emes mındetterden zaŋnamalyq tūrǧydan bosatylyp, auyldyq jerlerge jūmysqa baratyn därıgerler üşın 10 million teŋgege deiın köterme järdemaqy engızıldı.
«AMANAT» partiiasynyŋ qazırgı qyzmetın qorytyndylau aiasynda delegattar aldynda öŋırlerdıŋ, äielder jäne jastar qanattarynyŋ ökılderı söz söiledı.
Äielder qanatynyŋ teŋ töraǧasy, Mäjılıs deputaty Ünzila Şapaq partiianyŋ jaŋa Konstitusiiany ılgerıletu ısıne atsalysuǧa jäne memlekettık basqarudaǧy äielderdıŋ rölın küşeituge erekşe nazar audardy. Mäjılıs deputaty Nūrsūltan Baitılesov Prezidenttık jastar kadr rezervınıŋ tiımdılıgın jäne jas parlamentariilerdıŋ IT-saladaǧy zaŋ şyǧaru jūmysyna qosqan ülesın atap öttı.
«Onkoortalyq» BPŪ jetekşısı Gülmira Saǧidullina auyl tūrǧyndaryna arnalǧan «AMANAT Keruenı» köşpelı medisinalyq ekspedisiiasynyŋ ıske qosylǧany turaly baiandady. Pavlodar oblystyq mäslihatynyŋ töraǧasy İlia Terenchenko Prezident baǧytyn qoldaitynyn jäne jergılıktı jerlerde küş-jıgerdı bırıktırudıŋ maŋyzyn atap öttı. Al Ortalyq baqylau-tekseru komissiiasynyŋ müşesı Älıbek Qadyrbekov partiianyŋ ışkı jaŋǧyru jūmysyn qorytyndylap, partiiaışılık üderıster sifrlandyrylǧanyn habarlady.
Sezd jūmysyn qorytyndylai kele, delegattar «Ädılet» partiiasyna qosylu turaly strategiialyq şeşımdı bırauyzdan qoldap dauys berdı. Sezd maqūldaǧan būl bastama partiia qauymy eldıŋ jasampaz damu baǧyty men Prezidenttıŋ strategiialyq saiasatyn qoldau üşın bırtūtas ärı toptasqan alaŋ retınde äreket etuge daiyn ekenın körsettı.
