Bügın «AMANAT» partiiasynyŋ Almaty qalalyq filialynda ötken «Jer Amanaty» komissiiasynyŋ otyrysynda Family Park aumaǧyndaǧy jer telımın paidalanu zaŋdylyǧy talqylandy.
Būǧan qala tūrǧyndarynan tüsken köptegen ötınış pen saiabaqtyŋ qazırgı jaǧdaiyna qatysty şaǧym sebep bolǧan.
Būǧan deiın Almaty qalasy mäslihatynyŋ deputattary Qoǧamdyq keŋes müşelerımen bırge saiabaqqa arnaiy baryp, monitoring jürgızgen bolatyn. Tekseru barysynda bırqatar tüitkıldı mäsele anyqtaldy. Atap aitqanda, aumaqtyŋ sanitarlyq jaǧdaiynyŋ tömendıgı, infraqūrylymnyŋ tozuy, attraksiondardyŋ tehnikalyq jai-küiı, jasyl jelektıŋ kütımınıŋ jetkılıksızdıgı jäne ūzaq uaqyt boiy nysandy damytu jūmystarynyŋ baiau jüruı baiqalǧan.
Jiynǧa Almaty qalasynyŋ prokuraturasy, Jer resurstaryn basqaru departamentı, Polisiia departamentı, Tötenşe jaǧdailar departamentı, Äuezov audany äkımdıgı jäne basqa da uäkılettı organdardyŋ ökılderı qatysty.
«AMANAT» partiiasy Almaty qalalyq filialynyŋ töraǧasy Stanislav Kankurovtyŋ aituynşa, Family Park jaiy jekemenşık deŋgeiınen şyǧyp, qala tūrǧyndarynyŋ ortaq äleumettık mäselesıne ainalǧan. 
«Family Park – būl jai ǧana kommersiialyq nysan emes, tūrǧyndar üşın äleumettık maŋyzy bar qoǧamdyq keŋıstık, qala tūrǧyndarynyŋ süiıktı demalys oryndarynyŋ bırı. Bügınde saiabaqtyŋ qanaǧattanarlyqsyz jaǧdaida ekenın, tiıstı deŋgeide damymai otyrǧanyn körıp otyrmyz. Būl mäselege qatysty tūrǧyndardyŋ şaǧymy azaimai otyr. Eger jer telımın paidalanuşy özıne jüktelgen mındettemelerdı oryndamasa, qala tūrǧyndary üşın qauıpsız ärı qolaily jaǧdai qamtamasyz etpese, onda zaŋda közdelgen şaralar, tıptı nysandy memleket menşıgıne qaitaruǧa deiıngı şeşımder qabyldanuǧa tiıs», – dep atap öttı Stanislav Kankurov.
Almaty qalasy Jer resurstaryn basqaru departamentınıŋ basşysy Erjan Taşpenbetov tekseru barysynda jer telımın beru zaŋdylyǧyna qatysty būzuşylyqtar anyqtalǧanyn mälımdedı.
«Tekseru nätijesınde jer telımınıŋ nysanaly maqsatyn özgertu jäne keiınnen jaldau şartyn jasau zaŋnamada belgılengen tärtıp boiynşa jer paidalanu qūqyǧyn bastapqy beru räsımı tiıstı deŋgeide jürgızılmei jüzege asyrylǧany anyqtaldy. Anyqtalǧan zaŋbūzuşylyqtarǧa bailanysty departament tarapynan olardy joiu turaly tiıstı nūsqamalar berıldı. Belgılengen merzımde talaptar oryndalmasa, äkımdık qaulysy men jer telımın jaldau şartyn jaramsyz dep tanu turaly sotqa talap-aryz joldanady», – dedı Erjan Taşpenbetov.
Komissiia müşelerı jiyn soŋynda qala tūrǧyndarynyŋ müddesın qorǧau, zaŋdylyqty saqtau jäne äleumettık maŋyzy bar aumaqtardy tiımdı paidalanu boiynşa naqty şaralar qabyldau qajet ekenın atap öttı.
«AMANAT» partiiasy būl mäselenı Almaty tūrǧyndarynyŋ müddesıne sai tüpkılıktı şeşım qabyldanǧanǧa deiın baqylauda ūstaitynyn aitty.
