Alaş ordanyŋ batys bölıgınde saiasi qyzmetter men pedagogikalyq qyzmetterdı atqarǧan qoǧam qairatkerı Tölegen İmanǧazievtıŋ 150 jyldyǧy, dep habarlaidy "Adyrna" tılşısı.
Aǧartuşy 1874 jyldyŋ 16 nauryzynda sol kezdegı Oral oblysy Ilbışın uezı Qaldyǧaity bolysynyŋ №2 auylynda düniege kelgen.
Eŋbek jolyn mūǧalım bolyp bastaǧan Tölegen İmanǧaziev 1904 jyly Jympity uezı Sonaly bolysynyŋ basqaruşysy bolyp sailanady. Al 1917 jylǧy aqpan töŋkerısınen keiın özın- özı basqaru jüiesın qūru ısımen şūǧyldanady. Keiınnen Batys Alaş ordanyŋ oqu-bılım komitetıne müşe bolyp qabyldanady.
Alaida qoǧam qairatkerı 1937 jyly būryn bolys bolǧany jäne Alaşorda ükımetıne qyzmet etkenı üşın «Panislamizmdı nasihattauşy, belsendı Alaşordaşyl» degen aiyppen tūtqyndalyp, 1938 jyly 15 aqpan künı tünde Oral türmesınde atyldy.
Tölegen İmanǧaziev 1991 jylǧy 26 säuırde tolyqtai aqtalady. Sebebı Batys Alaşordanyŋ batyl aǧartuşysynyŋ ūly Hasan Tölegenov 1961 jyly 29 mamyrda Batys Qazaqstan qauıpsızdık komitetıne äkesınıŋ 1937 jyly 2 aqpanda tūtqyndalǧanyn, osy uaqytqa deiın habar-oşarsyz ketkenın jazyp, ötınış bıldırgen eken. Soǧan bailanysty Tölegen İmanǧaziev ısı qaita qaralady.
Ūqsas jaŋalyqtar
