Soltüstık Qazaqstan oblysynda kämeletke tolmaǧandardyŋ terezeden qūlau derekterı alaŋdauşylyq tudyryp otyr. Oblystyq Tötenşe jaǧdailar departamentı basqarmasynyŋ bastyǧy Äset Şaikinnıŋ mälımetınşe, soŋǧy oqiǧa 25 säuır künı Petropavl qalasyndaǧy «Kaştan» saiajai qoǧamynda bolǧan, dep habarlaidy "Adyrna".
11 jasar qyz üş qabatty üidıŋ ekınşı qabatyndaǧy terezeden qūlap tüsken. Jaraqattanǧan jasöspırım oblystyq köpbeiındı balalar auruhanasyna jatqyzyldy.
"Statistikaǧa süiensek, mūndai oqiǧalardyŋ şamamen 90% 2-5 jasqa deiıngı balalar zardap şegedı. Būl jasta balalar qorşaǧan ortaǧa qyzyǧuşylyǧy joǧary, tanyp-bılgısı keledı, al qauıp sezımı älı tolyq qalyptaspaǧan. Eresekterdıŋ qarauynsyz qalǧan bala tereze jaqtauyna şyǧyp, moskit toryna süienuı mümkın. Mūndai jaǧdaida tor salmaqqa şydamai, bala onymen bırge tömenge qūlap ketedı", - deidı Äset Şaikin.
Osyǧan bailanysty Tötenşe jaǧdailar departamentı polisiia, bılım beru ūiymdary jäne erıktılermen bırlesıp aldyn alu şaralaryn jürgızıp jatyr. Mektepter men balabaqşalarda, ata-analar jinalystarynda tūrmystyq qauıpsızdık erejelerı tüsındırılıp, köpqabatty üilerdıŋ aulalarynda tūrǧyndarmen kezdesuler ūiymdastyrylǧan.
"Balalardyŋ terezeden qūlap ketuınıŋ aldyn alu üşın balany eşqaşan qarausyz qaldyrmaŋyz. Tereze maŋyna jihaz qoimaŋyz. Üide bala bolsa, terezenı aşyq qaldyrmaǧan jön. Qazırgı uaqytta terezelerge arnalǧan bekıtkışter, blokiratorlar, qauıpsızdık qūlyptary bar. Al ata-ana mındetterın dūrys oryndamau jauapkerşılıkke äkeledı", - deidı basqarma bastyǧy.
Mamandardyŋ aituynşa, üş jaǧdaida da kämeletke tolmaǧandardyŋ terezeden qūlauyna bailanysty ata-analaryna qarausyz qaldyrǧany üşın QR Äkımşılık kodekstıŋ 127-baby boiynşa hattama toltyryldy.
