Qazaqstanda balalardyń qaıda ketkenin baqylap otyrýǵa bolatyn jańa júıe ázirlenbekshi. Bul týraly ishki ister mınıstrliginiń resmı ókili Nurdildá Oraz málimdedi, dep habarlaıdy «Adyrna» ulttyq portaly Stan.kz aqparat agenttigine silteme jasap.
"Biz osy jyly iske asyrylatyn pılottyq jobalar jaıly aıtqym keledi. Bul balalardyń qaýipsizdigine arnalǵan "Meni tap" baǵdarlamasy bolmaq. Atalmysh júıe arqyly balalardyń qaıda ekenin baqylaýǵa bolady", - deıdi Oraz.
Sózinshe, bul baǵdarlama Bluetooth jelisi arqyly jumys isteıdi eken.
"Mobıldi qosymsha ata-analardyń smartfonyna ornatylady. Al trekerlerdi oqýshynyń kıimine nemese sómkesine japsyryp qoıýǵa bolady. Eger bala joǵalyp ketse, ata-analar mobıldi qosymsha arqyly trekerdi izdeı bastaıdy", - dep qosty mınıstrlik ókili.
Buǵa qosa, ol baǵdarlamanyń jedel basqarý ortalyǵymen baılanysta bolatynyn jáne balanyń joǵalǵany týraly habar dereý polıııaǵa joldanatynyn atap ótti.
