Atyraýda áıel adam óz balalaryn satqan, dep habarlaıdy "Adyrna" tilshisi.
Bul týraly Oblystyq sottyń baspasóz qyzmeti habarlady.
Atyraý qalasynyń turǵyny jańa týǵan sábılerin satyp jibergen. Sot materıaldaryna sáıkes, jaýapqa tartylǵan áıel júkti bolǵan sátinen-aq materıaldyq jaǵdaıyn jaqsartý úshin balalaryn saýdalaǵan.
Ol bosanbaı turyp bir otbasymen kelisken. Balany ómirge ákelgennen soń náresteni satyp jibergen.
Keıingi júktiliginde de áıel alaıaqtyq jolmen aqsha tabýǵa bel baılaǵan. Ol tipti eki otbasyǵa jańa náresteni satýǵa ýáde berip, aqsha alyp alǵan. Biraq áıel izin sýytyp úlgeripti.
Al jábirlenýshiler 2,3 mln teńgeden aıyrylyp qalǵan. Al alaıaq ana basqa otbasymen kelisim jasap, balasyn berip ketken.
Sot úkimimen balalaryn satqan jáne alaıaqtyq jasaǵan ana 8 jylǵa bas bostandyǵynan aıyryldy. Al jańa týǵan nárestelerdi satyp alǵan otbasylar shartty túrde úsh jylǵa sottaldy.
