"ENÝ-diń koroli": Nazarbaev arqasynda baıyǵan rektorlar áýleti

25740
Adyrna.kz Telegram

Adyrna.kz redakııasy arnaıy zertteý júrgizip, bilim salasyndaǵy bylyqtardy áshkere etýdi jalǵastyrady.

Esterińizde bolsa, buǵan deıin burynǵy Bilim jáne ǵylym mınıstri, qazirgi Senat depýtaty Baqytjan Jumaǵulov pen onyń otbasyna tıesili birqatar «jasyryn bıznesterin» jazǵan bolatynbyz. Búgingi zertteý L.N.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov jaıly bolmaq.

ÁIELI ÁLIHAN BÓKEIHAN ÝNIVERSITETIN BASQARADY

Erlan Sydyqovtyń áıeli Shyryn Qurmanbaeva - Semeıdegi Álıhan Bókeıhan ýnıversıtetiniń (burynǵy ataýy Qazaq ınnovaııalyq gýmanıtarlyq-zań ýnıversıteti)  rektory ári quryltaıshysy. Bıyldyń ózine 208 492 300 teńge salyq tólep úlgergen. Alǵashqy jyly 63 094 300 teńge salyq tólegen bolsa, 2021 jyly 293 979 340 teńgege deıin jetken. 2013 jyldan beri tólegen jalpy salyq kólemi - 1 666 708 677 teńge.

NAZARBAEV REJIMI TUSYNDA BAIYP ÚLGERGEN «ÚLGILI OTBASY»

Shyryn Qurmanbaevanyń baılyǵy munymen shektelmeıdi. Osyǵan uqsas taǵy birneshe mekeme bar. Aıtalyq, «Semeı gýmanıtarlyq-zań ınstıtýty», «Innovative College» mekemesi, «Abai IT-Valley» tehnologııalyq klasteri, «Syrlascloud» JShS, «Semeı kóp salaly kolledji» bar. Sondaı-aq «Natural product» JShS, «EAGLTD» kompanııasy, «Access Rail» JShS, «AECOM-KZ» kompanııasy, «AERODYNE CASPIAN» JShS, «AFCON PV KZ» JShS, «Evrokopter Kazahstan ınjınırıng» kompanııasy, «ALBERLEY KELISIM-ShART LTD» JShS, «ALESSIO GRÝPP» JShS, «ALESSIO STANDART» JShS Qurmanbaevanyń ıeliginde.

Bir qyzyǵy atalǵan kompanııalardyń barlyǵynda Shyryn Qurmanbaeva quryltaıshy retinde kórsetilgen. Bul ne degen batpan quıryq deseńshi?! Biraq bul Sydyqovtar baılyǵynyń bir pushpaǵy ǵana.

 

REKTORDYŃ ERKE QYZYNA TIESILI BIZNESTER

Úlken qyzy Sydyqova Alýa Erlanqyzy «Californication women» JShS-niń, «Californication project, «Bilim» JShS, «L.A. Group Astana» JShS-nyń quryltaıshysy.

2013 jyldan beri tólegen jalpy salyq kólemi - 3 678 341 teńge. Sondaı-aq ol burynǵy Senat tóraǵasy Qaırat Mamıdiń qyzy Aınur Mamımen de seriktes. Ekeýi «Salifornication» JShS-na teń quryltaıshy retinde tirkelgen. Bul – Almatydaǵy brendtik býtık. Mekemege Dınara Iýnýsova esimdi adam basshylyq etedi. Kompanııa qurylǵan 2012 jyldan beri 6 187 713 teńge salyq tólegen.

Sonymen birge Nur-Sultan qalasynda Sydyqovtarǵa tıesili «Parclub» monshasy da bar.

 

«BOLAShAQTYŃ» TALAPTARYNA BAǴYNBAITYN SYDYQOVTAR

Kishi qyzy Sydyqova Alma Erlanqyzy «Bolashaq» baǵdarlamasymen Ulybrıtanııada bilim alǵan. Keıinnen elge qaıtqysy kelmedi me, sol elde «Bolashaq» baǵdarlamasynyń ókili retinde jumys istegen. Alaıda Halyqaralyq baǵdarlamalar ortalyǵy Almaǵa elge qaıtý týraly eskertpe jiberedi. Eskertpege kónbegen ol iske ákesi Erlan Sydyqovty aralastyrǵan. Artynsha Alýa Sydyqova 2020 jyldyń 8 qańtarynda óz erkimen jumystan bosatý týraly ótinish jazady.

 

ERLAN SYDYQOVTYŃ BALDYZY BOLÝ - BAQYT

Erlan Sydyqov bárin jarylqap baldyzyn umytpasa kerek, áıeli Shyryn Qurmanbaevanyń ıeligindegi «Innovative College» mekemesine Kúmis Orazbaevany dırektor qylyp qoıypty. Bul mekemeniń tólegen jalpy salyq kólemi 138 570 430 teńge.

Taǵy bir baldyzy Aıjan Orazbaeva - «Semeı kóp salaly kolledjiniń» dırektory. Atalǵan oqý orny 2010 jyly qurylǵan. Osy kúnge deıin tólegen salyq kólemi 136 996 125 teńge.

JAǴYMPAZDYQ SINDROMY

Erlan Sydyqovtyń ózine keletin bolsaq, 2011 jyly Nazarbaevqa referendým ótkizý týraly bastama kóterip, astanadan bir-aq shyqqany bar. Ol osyǵan deıin Semeıdegi Shákárim atyndaǵy memlekettik ýnıversıtetin basqaryp keldi. Esterińizde bolsa, Shyǵys Qazaqstannan shyqqan bastamashyl top Prezıdenttiń ókilettiligin uzartý úshin búkilhalyqtyq referendým qajettiligin alǵa tartyp, 5 mln-nan astam qol jınaǵan bolatyn.

Mine, osylaısha rektorlar áýleti irgeli bilim ordalaryn jekeshelendirip, oılaryna kelgenin istep otyr. Ne ózderi ózgermeıdi, ne ózgerýge múmkindik bermeıdi. Biraq Qaraly qańtardan keıin olardyń tynysy tarylǵany anyq. Dese de, olardyń monopolııasy bıliktiń kózine áli de túser emes. Tilegimiz essiz esirgender «Jańa Qazaqstanda» jazadan qutylyp ketpese eken deımiz.

«Adyrna» ulttyq portaly

 

Pikirler