Ūlttyq joba boiynşa ǧylymnyŋ kadrlyq äleuetın nyǧaitu üşın 2025 jylǧa deiın ǧalymdar sanyn 1,5 esege arttyru mındetı qoiyldy. Būl turaly Ǧylym jäne joǧary bılım ministrı Saiasat Nūrbek aitty, dep habarlaidy «Adyrna» tılşısı.
«Ǧalymdar men jas ǧalymdar sanynyŋ 50%-ǧa ösuı josparlanǧan. Qazır elımızdegı ǧalymdardyŋ 35%-y jas ǧalymdar. Bügıngı taŋda ǧalymdardyŋ jalaqysy 2 ese östı (252 myŋ teŋgege deiın). Irgelı zertteulermen ainalysatyn ǦZİ-dy tıkelei qarjylandyru engızıldı»,—dedı ol.
Ministr jas ǧalymdardy qoldau jäne yntalandyru üşın bırneşe jūmys atqarylǧanyn atap öttı.
«Jas ǧalym» jobasy aiasynda jas ǧalymdarǧa ǧylymi zertteulerge jäne postdoktorantura üşın 1037 grant bölındı. Jyl saiyn halyqaralyq taǧylymdamalarǧa 500 grant bölınedı. 2021 jyly älemdık ǧylymi ortalyqtarǧa 400 ǧalym jıberıldı. 2020 jyldan bastap jyl saiyn 50 «Üzdık ǧylymi qyzmetker» syilyǧy tapsyrylady»,—dedı vedomstvo basşysy.
