Bügın Şymkent qalasynyŋ äkımı Mūrat Äitenov Eŋbekşı audanyndaǧy jaŋaqūrylys aumaǧynda ornalasqan eldı mekenderde jürgızılıp jatqan infraqūrylym nysandary jūmys barysyn tekserıp, tūrǧyndarmen kezdestı.
Qazırgı taŋda elektr quatymen qamtu jūmystardyŋ 90%-y atqarylǧan. Qyrküiek aiynyŋ soŋynda «Oŋtüstık Jaryq Tranzit» JŞS tarapynan abonentteu jūmysy jürgızılmek. Nätijesınde, Qaratöbe, Qarabastau, Abdulabad, Toǧys, Jūldyz, Badam-1, Jylanbūzǧan, Ainatas, Bazarqaqpa eldı mekenderındegı
1 729 abonent sapaly elektr quatymen qamtylatyn bolady.
Auyz su qūbyrlary jüiesın ornatu jūmystary 11%-ǧa oryndalǧan. Nysan 2023 jyly aiaqtalmaq.
Atalǧan eldı mekenderdı tabiǧi gazben qamtu boiynşa jobalyq-smetalyq qūjattar äzırlenude.
Qala basşysy abonentteu jūmystary barysynda tūrǧyndardyŋ jūmyla äreket jasau kerektıgın atap ötıp, sala basşylaryna būl ıstı tiımdı ūiymdastyrudy tapsyrdy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz