Qyzylorda qalasyndaǧy «Ana men bala» ortalyǧyna bosanuǧa öz aiaǧymen barǧan Jazira Qojanova ıştegı säbiımen bırge baqilyq boldy, dep jazady "Adyrna" ūlttyq portaly 31 telekanalǧa sılteme jasap.
Qaitys bolar aldynda tolǧaq üstınde jatqan äieldıŋ auzynan köbık aǧyp, qatty qinaldy deidı marqūmnyŋ qasynda bolǧan sıŋlısı. Aituynşa, mūny köre tūra därıgerler tiıstı em jürgızbei, jūmystaryna salǧyrt qaraǧan. Sonyŋ kesırınen tört balanyŋ anasynan aiyryldyq degen marqūmnyŋ jaqyndary ortalyq aldyna jinaldy.
Tört balanyŋ anasy ötken aptanyŋ soŋynda öz aiaǧymen ana men bala ortalyǧyna barǧanda bükıl äulet şekesı torsyqtai ūl düniege keledı dep ümıttengen. Bıraq bügın jetken qaraly habarǧa marqūmnyŋ jaqyndary älı de sene alar emes. Marqūmnyŋ tuystary tolǧaq üstınde köz jūmǧan äieldıŋ ölımıne därıgerlerdı kınälaidy. Al tünı boiy Jaziranyŋ qasynda bolǧan sıŋılısı onyŋ tolǧaq kezınde qatty qinalǧanyn aitady. Jüregı qysyla bastaǧanda aq halattylarǧa kesır tılıgı arqyly bosandyryŋyzdar dep jalyndyq ta deidı. Aitularynşa, sonda da därıgerler tiıstı em jasauǧa asyqpaǧan.
– Äpkemnıŋ közı alaryp ketıp bara jatyr eken. Auzynan köbık aǧyp... Akuşerge bız neşe ret bardyq. Tolǧatyp jatqan kezde qolyn ūstaidy ǧoi. Būl adamdy iterıp jıberdı ǧoi. Adam qūrly körgen joq. Sol sätte jüktı kelınşektıŋ qasynda bolǧan jauapty därıger marqūm Jaziranyŋ densaulyǧynda eşqandai kınärat bolmady deidı. Tıptı bosanuǧa tolyq daiyn bolǧanyn aitady. Bıraq äieldıŋ köz jūmu sebebın özı de bılmei otyr,- deidı marqūmnyŋ sıŋlısı Saltanat Qojanova. – Tiıstı emın jasadyŋyzdar ma? – Jasaldy bärı. – Bıraq aman alyp qala almadyŋyzdar. – Qolymyzdan kelmedı. – Öz mındetıŋızdı tolyq oryndadyŋyz ba? – Joq, olai aita almaimyn", deidı «Ana men bala» ortalyǧynyŋ därıgerı Janar Nūrymbetova.Osylaişa, Jazirany bosandyrmaq bolǧan därıger mardymdy jauap bermedı. Säbi men ana ölımıne qatysta densaulyq saqtau basqarmasyndaǧylar da äzırge jaq aşpai otyr. Al 39 jasynda marqūm bolǧan Jazira Qojanovanyŋ üiınde joldasy men tört balasy kütken edı... Qapyda qaiǧy jamylǧan janūia jauaptylardyŋ barlyǧy zaŋmen jazasyn alsyn dep otyr.
"Adyrna" ūlttyq portaly
