Maher-sahersiz-aq neke qıyp, úıli bolyp edik - Saıa Qasymbek

2587
Adyrna.kz Telegram

Dramatýrg, jazýshy Saıa Qasymbektiń máhir máselesine qatysty jazbasy oqyrman qaýymdy dúr silkindirdi, dep jazady "Adyrna" ulttyq portaly. Jazýshy máhir úshin kóliktiń eń qymbatyn suraǵan qyz ben odan bas tartqan jigittiń basynan ótken jaıttardy sóz etip, óz zamanyndaǵy tanym-túsiniktiń múldem basqasha bolǵanyn jetkizedi.  Jas juptyń arasynda syna qaqqan máhir máselesine qatysty:

- Oqıǵany izdemeımin, oqıǵa meni izdep tabady. Búgin toıǵa daıyndalyp otyrǵam. Qyz jaǵynan barýym kerektin. Qyzdyń sheshesi qyryq jylǵy syılasym edi. Qyzdarym keledi dep bálishke qamyr ashytyp jatsam, zvondaıdy. Eńirep tur. Zárem qalmady. Sóıtsem, keshe qyz ben kúıeý meshitke nekege turýǵa barady. Áligi mahırde qyz qarap otyrmaı eń qymbat (markasyn aıtyp edi, umytyp qaldym) mashınany surapty. Ótkende bolashaq kúıeýbalasymen birge toı qamymen júrgende kezdeısoq ushyrasyp qap, birbetkeıleý jigit ekenin baıqap qalǵam. Bolashaq jary eń qymbat mashına suraǵanyna shart etken kúıeý bala únsiz ornynan turyp, “toı bolmaıdy!” depti de, eshkimge qaramaı ketip qalypty?! Bir dosy mashınaǵa minip úlgeripti. Qasyndaǵy dosy arqyly qyzdyń “oınap aıttym” degenin estip, “qudaıdyń úıinde oınaıtyn qatyn kerek emes!” dep, short kesipti… Nekede otyryp, mynadaı kúıge ushyraý degen jaqsy emes árıne.
Bizdiń kezimizde esh maher-sahersiz-aq neke qıyp, páter jaǵalap júrip-aq bala týyp, úıli bop ek..  Arabtyń saltyn sonsha áspettegennen ne shyqty endi? - deıdi avtor.

Jelidegi jurttyń nazaryn aýdarǵan shetin oqıǵaǵa qatysty:

"Kezinde ne áperse de ózi biledi degenimizde neke qııýshy molda kúıeýime "keminde pálen gramdy altyn áperesiń. Moınyńa qaryz qylma"-dep eskertse de áli kúnge eshteńe ápergen joq. Ol týraly umytyp ta ketkenbiz 25 jyl boldy. Osy kúngi jastardyń osyndaı talaptaryn estigende ǵana esimizge túsip, bir kúlip alamyz", "Azamat eken, der kezinde sheshim qabyldapty!", "Oıbý... Bolmaǵan eken..." degen syndy pikirler jazdy oqyrmandar.

Esterińizge sala keteıik, máhir – nekelesý barysynda nemese keıin óteý shartymen kelisilgen qalyńdyqqa beriletin dúnıe-múlik nemese aqsha. Musylmanshylyqta máhirge qajetti zattardy alý er-azamattyń mindeti sanalady.

Pikirler