“Kirpiginen aspannyń nur tógilip…”

2419
Adyrna.kz Telegram

Qoıny toly  qupııa, ǵasyrlardyń  qurdasy,

Álem jaratylǵaly, Áz naýryz jyl basy,

Taǵy da bir jańa jyl,  keldi baıtaq jerime,

«Qoıan» ketip barady  aǵarańdap qyrdy asyp.

Assalaýmaǵalıkým, qadirli qaýym, Túrki dúnıesiniń eń uly  merekesi – Áz-naýryz barsha Túrki balasyna baqyt pen baılyq ákelsin! Ár kúnimiz qýanyshqa tolsyn! Elimiz aman, jerimiz tynysh, qarttarymyz alańsyz, jastarymyz baqytty bolyp abroıymyz arta bersin!

Janǵa toly qalamyz, dánge toly dalamyz,  qazynaly qartymyz, qasıetti balamyz bolsyn!  

NAÝRYZ KÚNI QAZAQTYŃ BÁRI QYDYR

 Kirpiginen aspannyń nur tógilip,

Yntyǵady sol nurǵa jurt eminip.

Tirshiliktiń kerýeni jyljıdy alǵa,

Bir ilgerlep, bir toqtap, bir sheginip.

Ýaqyttyń teńizin keship ótken,

Keldi, mine, áz-Naýryz - toty-kóktem.

 

Kirpik qaqpaı kúzetip bul ǵalamdy,

Qyrsyqtardy boldyrmaı shyrǵalańdy.

Samal bolyp sybyrlap bata berip,

Qydyr ata aralap júr dalamdy.

Oshaq asqan birge júr anamen de,

Birge júr ol oınaǵan balamen de...

 

Arý - kóktem, bul kóktem – Ana - kóktem,

Tas balqıdy deminen janap ótken.

Kóktemge erip umytyp qaıǵy-muńdy,

Ketkim kelip turǵany-aı, bala bop men.

Erkeleter, jurt meni erkeleter,

Kóktem sulý unatar, erte keter...

 

Asyra aıtyp qoıdyń dep sókpe meni,

Bolsa bolar oıymnyń jetpegeni.

Naýryz kúni qazaqtyń bári Qydyr,

Alǵys bolyp darıdy aq degeni.

Qydyr dep bil jasty da, kárini de,

Perishtedeı kirshiksiz bári, mine.

Imanǵazy Nurahmetuly

 

Pikirler