21 qyrküiekte Ukraina Resei tūtqynynan 215 adamdy qaitaryp, Kremlge Viktor Medvedchuk pen 55 bosqyndy jıberdı. Būl turaly Ukraina prezidentı keŋsesınıŋ basşysy Andrei Ermak mälımdedı, dep jazady "Adyrna" ūlttyq portaly.
"Bügın bız 215 adamdy, onyŋ ışınde 124 ofiserdı Resei tūtqynynan bosata aldyq. Būl Reseidıŋ jappai basyp kıruınen berı qol jetkızgen eŋ küştı nätije", — dedı Ermak.Ol azat etılgen äskerilerdıŋ arasynda "Azov"polkınıŋ 108 jauyngerı bar ekenın atap öttı.
"200 ukraindyq sarbaz Putinnıŋ ökıl äkesı Viktor Medvedchukke aiyrbastaldy, ol «tergeuge barlyq mümkın dälelderdı berıp qoiǧan». Al Azovstaldan kelgen bes komandir 55 orys tūtqynyna auystyryldy", - dedı ol.Ermak sonymen qatar tūtqynnan bosatylǧan bes qolbasşynyŋ qazır Türkiiada prezident Rejep Taiyp Erdoǧannyŋ qorǧauy men qauıpsızdık kepıldıgımen ekenın aitty. Vladimir Zelenskii soǧys aiaqtalǧanşa olar Türkiiada qalatynyn atap öttı. Sondai - aq, bosatylǧandardyŋ arasynda Ukraina üşın soǧysqan, ölım jazasyna kesılgen 10 şeteldık bar. Būl, atap aitqanda, AQŞ, Ūlybritaniia, Horvatiia jäne Şvesiia ökılderı. Olar qazırgı taŋda Saud Arabiiasynyŋ Er-Riiad qalasynda jür.
"Adyrna" ūlttyq portaly
