Túrksib aýdanyndaǵy máseleniń biri turǵyn úıge qatysty. Óıtkeni, mundaǵy kóp qabatty úılerdiń jartysy esirgen. Bul týraly týraly qala ákimi Erbolat Dosaev aýdan halqymen kezdesýinde málimdedi, dep habarlaıdy " Adyrna" tilshisi.
"Aýdanda barlyǵy 1229 úı bar, sonyń ishinde 594-niń, ıaǵnı 40%-nyń tozyǵy jetken. Sondyqtanda aýdandaǵy turyn úılerdiń jartysy eskirgen deýge keledi",- dedi qala ákimi óz sózinde.
Onyń aıtýynsha, búgingi kúni jeke qurylys salýshylar 17 kóppáterli turǵyn úı salyp jatyr. Olarǵa eski úılerdiń turǵyndary kóshiriledi.
Osıpenko kóshesinde 59 páterlik 2 kóppáterli turǵyn úıdiń qurylysy osy jyldyń sońyna deıin aıaqtalady. Onda Chernyshevskıı – Saýranbaev – Moldaǵalıev – Tolstoı kósheleriniń sharshysynda ornalasqan 4 eski úıdiń turǵyndary ýaqytsha kóshiriledi.
"Bul bizge kelesi jyly osy 4 úıdi buzyp, 214 páterlik 10 úı qurylysyn bastaýǵa múmkindik beredi", - dep tolyqtyrdy Erbolat Dosaev.
Osy kóshelerdiń sharshysynda 152 páterlik 7 kóppáterli turǵyn úı salynyp jaty. Onyń ishinde eski úılerdi jańartý baǵdarlamasy boıynsha 48 páter aınalymdaǵy turǵyn úıge arnalǵan. Bul úıler 2023 jylǵy mamyrda paıdalanýǵa beriledi.
Atalǵan nysandar aıaqtalǵannan keıin Spartak, Aqyndar kóshesindegi taǵy 8 úıdiń turǵyndaryn kóshirý josparlanyp otyr.
