تۇركسىب اۋدانىنداعى ماسەلەنىڭ ءبىرى تۇرعىن ۇيگە قاتىستى. ويتكەنى، مۇنداعى كوپ قاباتتى ۇيلەردىڭ جارتىسى ەسىرگەن. بۇل تۋرالى تۋرالى قالا اكىمى ەربولات دوساەۆ اۋدان حالقىمەن كەزدەسۋىندە مالىمدەدى، دەپ حابارلايدى " ادىرنا" ءتىلشىسى.
"اۋداندا بارلىعى 1229 ءۇي بار، سونىڭ ىشىندە 594-ءنىڭ، ياعني 40%-نىڭ توزىعى جەتكەن. سوندىقتاندا اۋدانداعى تۇرىن ۇيلەردىڭ جارتىسى ەسكىرگەن دەۋگە كەلەدى",- دەدى قالا اكىمى ءوز سوزىندە.
ونىڭ ايتۋىنشا، بۇگىنگى كۇنى جەكە قۇرىلىس سالۋشىلار 17 كوپپاتەرلى تۇرعىن ءۇي سالىپ جاتىر. ولارعا ەسكى ۇيلەردىڭ تۇرعىندارى كوشىرىلەدى.
وسيپەنكو كوشەسىندە 59 پاتەرلىك 2 كوپپاتەرلى تۇرعىن ءۇيدىڭ قۇرىلىسى وسى جىلدىڭ سوڭىنا دەيىن اياقتالادى. وندا چەرنىشەۆسكي – ساۋرانباەۆ – مولداعاليەۆ – تولستوي كوشەلەرىنىڭ شارشىسىندا ورنالاسقان 4 ەسكى ءۇيدىڭ تۇرعىندارى ۋاقىتشا كوشىرىلەدى.
"بۇل بىزگە كەلەسى جىلى وسى 4 ءۇيدى بۇزىپ، 214 پاتەرلىك 10 ءۇي قۇرىلىسىن باستاۋعا مۇمكىندىك بەرەدى", - دەپ تولىقتىردى ەربولات دوساەۆ.
وسى كوشەلەردىڭ شارشىسىندا 152 پاتەرلىك 7 كوپپاتەرلى تۇرعىن ءۇي سالىنىپ جاتى. ونىڭ ىشىندە ەسكى ۇيلەردى جاڭارتۋ باعدارلاماسى بويىنشا 48 پاتەر اينالىمداعى تۇرعىن ۇيگە ارنالعان. بۇل ۇيلەر 2023 جىلعى مامىردا پايدالانۋعا بەرىلەدى.
اتالعان نىساندار اياقتالعاننان كەيىن سپارتاك، اقىندار كوشەسىندەگى تاعى 8 ءۇيدىڭ تۇرعىندارىن كوشىرۋ جوسپارلانىپ وتىر.
