Keshe fýtboldan Qazaqstan quramasy óz alańynda Belarýs komandasyn jeńip, Ulttar lıgasynda jeńiske jetti. Oıyn 2:1 esebimen aıaqtaldy. Ulttyq qurama Qazaqstan tarıhynda tuńǵysh ret Belarýs quramasyn jeńip, V dıvızıonyna shyqty, dep habarlaıdy «Adyrna» tilshisi QR Mádenıet jáne sport mınıstrligine silteme jasap.
Belarýs komandasynyń qaqpasyna gol salǵan oıynshylarymyz: Mıhaıl Gabyshev pen Bahtıer Zaınýtdınov.
Osynaý tarıhı jeńiske baılanysty QR Mádenıet jáne sport mınıstri Dáýren Abaev FB paraqshasynda Ulttyq qurama oıynshylaryn quttyqtady.
«Tegeýrindi daıyndyq, teńdessiz nátıje! Bul – shyn máninde Qazaqstan fýtbolynyń jańa dáýiri. Alǵa, jigitter!»,-dep jazdy mınıstr.
Aıta keteıik, 22 qyrkúıekten 23 qyrkúıekke qaraǵan túni bastalatyn toptyń taǵy bir matchynda Slovakııa óz alańynda Ázirbaıjandy qabyldaıdy. Al, 25 qyrkúıekte Qazaqstan quramasy Bakýde Ázirbaıjan quramasymen oınaıdy.
