Memleket basşysynyŋ jūmys sapary Şymkent qalasynda jalǧasty. Jergılıktı jūrtşylyq aldynda söilegen sözınde Prezident Şymkenttı elımızdegı tabiǧaty da, tūrǧyndarynyŋ yqylas-peiılı de erekşe ystyq jerdıŋ bırı retınde atap öttı.
– Qazaq ruhaniiatynda Şymkent şaharynyŋ orny bölek. Būl – ūlt dästürınıŋ berekelı besıgıne ainalǧan qala. Sondai-aq qazaqy qasiet pen ystyq yqylastyŋ simvoly. Būl – üzdık mädeniet pen ūlttyq etikettıŋ toǧysqan jerı. Ūlylardy ardaqtau, ülkendı syilau – sızderdıŋ basty ūstanymdaryŋyz. Şymkent – ūltymyzdyŋ ösıp-öngen, köktep-köbeigen mereilı mekenı. Sondyqtan men şyraily qalanyŋ halqyn Jerūiyǧyn tapqan jūrt dep senımmen aitamyn, – dedı Qasym-Jomart Toqaev.
